Jeremia 9 - Iaai Bible 1901 (New Caledonia)

¹ E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

² E na hu ju gak hnyi hnyebuba omtabaga wale hna menâ hnen tavat adre me he, me inye he bi ka hna lakeik, me he digic ödra! anyin a ödra hia thithö tavat bi ûnyi monu ûkhacaköu anyin tavat iyawo.

³ Ke adre me lau je bohmödra helâ me anyidra je cafana hnân thoi; ke adre me hwege hnyi hnyei ke ca hnân bi hnathu: anyin adre me ogânâ tilâ anyidra hulo, ke ca khanʼ ödra inya haingö Iehova.

⁴ Ve wâ ju öbun je lahanöbun, ke ca labageju öbun ka je liamekeiny: anyin ame he je liamekeiny hia thithö ka iobö.

⁵ Ke adre me he ka ve iyawâ je lahanödra, me ca ha bi hnathu; adre hia but nâ je bohmödra he ka fuc thoi; adre sënyin dut anyin ânyâ hwakecin ae kong.

⁶ E bi, hnyabam hnyi wanben iyawo; can iyawo ödra höcö he ka wâhmakhmetu nya, haingö Iehova.

⁷ Anyin a wale walang hna ha hnö Iehova tuhan sabaoth, Wâ bi, oge me be ka oköiʼ ödra, me cubic ödra; anyin a ieû hmetu ke ûnyi oge me he ka ânyâ, can hluiny ik hnyei?

⁸ Fana adre me mekiny ta je bohmödra; e ame fuc iyawo: ke at ame ha ûsoköu ge hnyimen ka ke at, ke e ame ip hnân hobi kâu e eû hnyi hnyekon.

⁹ Hawa, oge me ca he ka senʼ ödra can ta je ûnyi e? haingö Iehova: hawa ame ca be hanuk ka bi hwaban ka hnyei a helâe?

¹⁰ Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

¹¹ Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

¹² Ie at ae metâ me me wâ ûnykûme e? ke ie at ame ha kâu hnen hnyimö Iehova, me me haimemenâ e? anyin a ieû ame kong ut hnyei adre thong helâ me hnyebuba, me me ba at ama vheno?

¹³ Ke haingö Iehova, ka habe, Anyin adre hna degecâ anyik hnanyibu waleji oge hia but ip hnyi hnyimakodra, me ca long bi ifucik, me ca hnu bi hoton;

¹⁴ ke adre hia but hnu hoton ihwegien hnyekudra, me je Baala, waleji a nʼ ödra hnen laka-mödra:

¹⁵ anyin a wale, walang hna ba hnö Iehova tuhan sabaoth Khongu Isaraela, ka habe, Wâ bi, oge me he ka ha Öʼ dra ge khöhlöng wale tavat ang, me habelidra ge köiöiny ûö adre me mekiny.

¹⁶ Ke oge me he ka ovesei ödra ka hnyi ta je hnyei a ca wâ bi gadra me hnen lakamödra: ke oge me he ka kunâ hotudra hele vat, ke ne o but oge hia but öaûʼ ödra hia.

¹⁷ Walang hna ha hnö Iehova tuhan sabaoth, ka habe, Ûnykûme ju Öbun, ke hawâ thö je momo tenge, mʼ adre me he jem: ke hom dö je momo ae metâ, mʼ adre me he jem:

¹⁸ mʼ adre me ie tenge thungaû gata, me me hingölö je deköiö hnyi je emaköta, me khukhula köiö ûnyi hnyi je bademaköta.

¹⁹ Anyin adre me long hnyi Ziona hwan tenge thungaû, ka habe, Ekölö adre sei öta! e gan hmâ anyita hlohlo, anyin ate hia but hna degecâ hnyei, anyin adre hia but kia je hnyabata.

²⁰ Omomo lö, long ju hofuc ho Iehova, ke tevehlöng ju ifucin hnyimen, nâ thö lakubun wahlu ge bongon tenge thungaû, ke ve nâ thö je lawaebun ge khumöng tenge.

²¹ Anyin ame o but mok a deny hnyi anyita je mamalama, ame dit ka hnyi umöta je umen than: he ka subâ degecâ ta je wanakat eû hnyi hwanuma, me wahidröu eû hnyi ta je gethen.

²² Ha thö, ka habe, Walang hna ha hnö Iehova, ka habe, Ame he tavat adre mokcu ka ta hnyi ta hnyei helâ me tatet, me helâ me je thi hwit hwaban at ame subâ, ke ba at ame he ka hlu ödra.

²³ Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

²⁴ ke so at ame hobâ he ka hobâ ûnyi ang, a e ame wâhmakhmeto me khana inya, a inya Iehova at ame ânyâ betenge, me owisa, me ûnyi ae ûcû eang hmeledrany: anyin a inya oge me senyin ka ta je ûnyi eling, haingö Iehova.

²⁵ Wâ bi ame he ka o je bong, haingö Iehova, ke oge me he ka tha bi hwaban ka tavat adre me peritomonâ hnyi hna ca peritomoni ödra;

²⁶ at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.