Jeremia 48 - Iaai Bible 1901 (New Caledonia)

¹ GE Moaba. Walang hna ba hnö Iehova tuhan sabaoth, Khongu Isaraela, ka habe, Ekölö ge Nebo! anyin a hnyot dö; a hmehma but Kiriathaima, adre me hûgûnâ e: a hmehma but Misegab, kʼ adre hagutâ e.

² E ba but hmetu hna ogânâ Moab: kʼ adre hia but penapena okongon hobi kâu bi hnyi Hesebona, haingodra, ka habe, Ate me he ka subâ degecâ e me me ca hnyei hmetu bi. Ke haba u Mademena lö, adre me he minya ka ohnyibû u; kʼ ame he hele vat ka hnu u.

³ Hwan tenge ûnyi Horonaim, adre me söh me ohia!

⁴ Adre me ohia Moaba; adre me long ûtengien tavat ae ûhnyûkong eû hnyin.

⁵ Anyin adre me he ka he me tenge tot hnyi gethen ame ölö Lihith ai; anyin a hnyi gethen adre me utut ûheny Horonaim adre hia but long tengeiny kuku hnyi hna ohia.

⁶ Kec dö, omeli öbun dö, me öbun e he ka helâ me ûö ae ba lan hnyi hnyebuba.

⁷ Anyin a hnyi hnâm hna labageju ka ânyâm ta je huliwa me tang omjehem, adre me he ka hum u minya: ke ame he Kemosa ka hnyi bâ me anyin tavat bihut, me anyin je taben.

⁸ Ke ame he ka utut at söh ka hnyi je taun hia, ke ame ca he ka mot ke taun; ke adre me he ka okongoâ hnyegöulen bucen, me öba wan dok ae tha hon; helâ me hna ba hnö Iehova.

⁹ Ham dö li labenyin kö Moaba, me me gâ me kec: ke ame he ka ba onyen je tauniny, ke ba bi aten.

¹⁰ E ka mok at ame mâdrâ iyawoâ huliwa anyi Iehova, ke e ka mok at ame behânâ anyin hele vat ka hnyi dra.

¹¹ Haba Moaba ame hia but laba menâ hwân ke tiga hidröu, me laba hon anyin je atmen, ke adre ca hingâlâ e ûnyi hnyi ke kaia ka hnyi ka kaia, ke adre ca hia but hom hwenbâ e: anyin a wale e bi hnebwiainy, ke ame ca wia bi bunen e.

¹² Anyin a wale, wâ bi, ame he ka o je bong, haingö Iehova, me oge me he ka kunâ kâu tavat adre hingâlâ, mʼ adre me he ka hingâlâ e; ke adre me he ka hingâlâ hia ûnyi hnyi anyin je kaia, me oamamâ anyidra je kaia.

¹³ Ke ame he Moaba ka hmehma ge Kimosa, helâji me lap anyi Isaraela ame hmehma ge Beth-ela, waleji adre me labageju kâu.

¹⁴ Ieû gabun öbun e ha, ka habe, Ohmun tavat hwege, me tavat khenen vat?

¹⁵ Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

¹⁶ E hakekeny jut he ka o vec anyi Moaba, ke logot hmonyin dut okongon.

¹⁷ Öbun hia thithö tavat igigilo e, mâng dö gan, ke öbun hia tavat ae khanʼ öbun ien, ha thö, ka habe, Ekölö a hmetru thö uci ae hwege, utö ae mec!

¹⁸ Hlu ame laba hnyi Dibona lö, utut ûhem hnyi ânyâm hmanenang, ke laba biju hnyi dok ae atgec; anyin ame o köu at ame söh Moaba, e ame ohia ânyâm je hnabâ.

¹⁹ At ame laba hnyi Aroera lö, todru eû hnyi gethen me selâdrâ: hnö thö at ame kec me at ae mot, ka habe, Ieû adre hia but ânyâ?

²⁰ A hmehma but Moaba; anyin adre hagutâ e: kuku thö goranyai me tenge; ha thö e hnyi Arenona a ga aû hia but Moaba.

²¹ Ke ame o but hna owisa ka hnyi hnyei ae tha hon; ka hnyi Holon, me Jahaza, me Mefath;

²² me Dibona, me Nebo, me Bethe-dibela-thaim;

²³ me Kiriathaima, me Bethe-gamul, me Bethe-meon;

²⁴ me Kerioth, me Bozera, me je tauniny hia hnyin Moaba, dok ae sâkâû me dok ae hakekeny.

²⁵ Adre me subâ degecâ faoiny meno anyi Moaba, ke ame hmetru thö benyin, haingö Iehova.

²⁶ Habelen ju ge grâg me me monu; anyin a e ame bi gan kö Iehova: ke ame he Moaba ka seset hnyi hûen hna hmita, ke adre me he ka wia e hnân hlumâ.

²⁷ Ke hawa, u je ca hlumö Isaraela? adre me wâ e unyin tavat venöu? anyin a u je hâiâ e me u je nyinyikâ bâm kâu.

²⁸ Öbun tavat öbun e laba hnyi Moaba lö, hna but je taun, ke labā thö je kic; mʼ u me helâ me biny at ame bi umen uma hnyi baten hnyimen op.

²⁹ Ohmun e löng ut bigan anyi Moab, a e gan hmâ hop; kʼ ame begörany, ke bi gan, ke bemusi, ke khulelau hnyekon.

³⁰ Haingö Iehova, ka habe, Oge me wâ anyin wathethot ae ûnyi baû e; ke ba troban ge hnen hna labö fuc bigan.

³¹ Anyin a wale oge me he ka; kuku goranyai ge Moab; eke, oge me he ka hongot tenge ge Moaba hia: adre me he ka tenge thungaû ge at Kira-heres.

³² Vineiny Sibema lö, oge me he ka tenge gam ae nua hon ûtengiö Jazera: ame hanyâûâ köiö je angâm, me o ke ne o but köiö anyi Jazera: kʼ ame utut at söh ka hnyi ânyâm je wan ae metu, me wan vine.

³³ Ke adre hom degecâ senyin me hobâ ûnyi hnyi hnyei a wa so ke ûnyi hnyi hnyei Moaba, ke oge hia but öba waina hnyi hna hlec wan vine: e ba at ame he ka utö me hongot senyin; haba hongot senyin, me helâ me ba hongot senyin.

³⁴ Hwân hnyi Hesebona ke ne o but hnyi Eleala, me Jahaza, adre hia but hongot goranyai, ke hwân hnyi Zoara ke ne o but Horonaim ke ne o but hnyi Egelath-selisia, anyin ame he ka hme je aniny Nimera minya.

³⁵ Ke haingö Iehova, ka habe, Oge me he ka ohia hnyi Moaba at ame bi hut hnyi dok ae gorany, me at ame leû utö ae bo so ka je khongon.

³⁶ Anyin a wale ame fuc hnyekuk helâ me utkowi ge Moaba, kʼ ame fuc hnyekuk helâ me utkowi ge at Kira-heres: anyin a hia but je kolon je ûnyi adre me hu.

³⁷ Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

³⁸ E hu hwan tenge hon je ban uma hia hnyi Moaba, me hnyi je getheniny: anyin oge hia but thö hmouca Moaba helâ me kaia a ca hnân senyinâ, haingö Iehova.

³⁹ Nakainy hna hagutâ e! nakainy hnödra hna kuku göranyai! nakainy Moaba at ame hwio but hoton ai anyin ae hmehma! ke helâe ame he Moaba ka hnân hlumâ me ot kodra hia igigilo e.

⁴⁰ Anyin a walang hna ha hnö Iehova, ka habe, Wâ bi, e ame he ka gâ i helâ me aeto, me lau li labenyin ka Moaba.

⁴¹ Adre hûgûnâ Kerioth, ke ame hom uthmâhmâ je hnabâ, ke hnyi bong eling ame he hnyekon tavat hwege hnyi Moaba ka helâ me hnyekon momo ame he ka hnokoâ.

⁴² Ke adre me he ka kot Moaba me me ca he hmetu ka hnyei, anyin a e ame hia but bi gan kö Iehova.

⁴³ E but unyâm ot me thop, me hnewe, at ame laba! hnyi Moaba, haingö Iehova.

⁴⁴ Haba at ame kec ge ot, e ame he ka ta ka hnyi thop; ke haba at ame ölö ûnyi hnyi thop, ame he ka hnok hnyi hnewe; anyin oge me he ka oâ kâu, jia Moaba, huna adre senʼ ödra hnyin, haingö Iehova.

⁴⁵ Haba tavat adre kec adre me tot hnyi hmenu Hesebona ke ba tang hwegiödra: anyin ame he but meic ûheny Hesebona, me bâhlân meic ûnyi hnyi hnyin Sihona, me ame an baten wainy Moaba, me wanben ban tavat adre me imonumonu.

⁴⁶ Ekölö gam Moaba! e kong ut at Kemosa: anyin adre hom lakom je baga mʼ adre me bâ, me lakom je hlu he ka bâ.

⁴⁷ Ke so bi, oge me he ka ohmeto at Moaba ûhedra hnyi hna bâ hnyi je bong a biliny, haingö Iehova. Wale hna owisa ka Moaba.