Jeremia 47 - Iaai Bible 1901 (New Caledonia)1 WALANG hofuc ho Iehova ame o kö Jeremia perofeta ge at Filisiti, kʼ ame tiga ca kot Gaza ga Farao. 2 Walang hna ha hnö Iehova, ka habe, Wâ bi, ame o but je köiö ûheny hnyi hwadro, kʼ ame he ka wagewe ae uoû, kʼ ame he ka khutu takoû hnyei me ta je ûnyi hia hnyin, me taun me tavat adre me labā e: ke ame he tavat ka tenge, kʼ ame he tavat hia aten hnyei ka kuku goranyai. 3 Ke ame ca hwio lakamen ka ta je lakudra, anyin ae sënyin dut ta je hnyam, can hwan can haleny je hors ae hwege, me kec hwegeiny anyin je kariota, me lunginy anyin je waengen; 4 can bong ame o he ka söh at Filisiti hia, me subâ degecâ e hnyi Turo me Zidona ta je ûhadruo a laba biju: anyin ame he Iehova ka söh at Filisiti, ta je kolon bomene Kafetori. 5 A o but hadreû ban kö Gaza; adre me ohia Asekelona, kolon hnyigöulen anyidra bucen; u me he ka kavi u bi ke ne o but kehö? 6 Hele vat anyi Iehova lö, ie ûen u me he ka laba so? didro hnyi tangâm, menâ ju, ke ca bwebwet bi. 7 U ma kâmâu ka laba so, ke Iehova ame hia but hûna kâu? wale ge Asekelona me hobat köiö; wale dok e ame kû. |
maintained by the British and Foreign Bible Society
Bible Society of the South Pacific