Jeremia 45 - Iaai Bible 1901 (New Caledonia)1 WALANG hofuc ame ha Jeremia perofeta kö Baruka, nöku Neria, waleji hnyi hnen hna sihnalimen ta je hofuc ang hnyi tusi ûnyi hnyi hnyimö Jeremia, hnyi huna a vaki Jehoiakima nöku Josea than Juda, ka habe, 2 Walang hna ha hnö Iehova Khongu Isaraela gam Baruka, ka habe, 3 U je ha, ka habe, Ekölö gak walang ang! anyin a Iehova ame hia but bi hanen hlöuhlöu ka hnyi anyik vec; oge sënyin dut anyin mâng, ke oge me ca wâ hna menâ. 4 U me he ka ha helâng kâu, ka habe, Walang hna ha hnö Iehova, ka habe, Wâ bi, haba hnok hna op goranyai oge me he ka kia but, ke haba hnok hna tā oge me he ka oc hmetu; waleling hnyei hia eang. 5 Ke hawa, u me elâm je ûnyi ae gan hobi köu bi? ca elâm bi: anyin a wâ bi, oge me he ka oâ okongon ka tavat hia thithö, haingö Iehova; ke oge me he ka ham köu ânyâm bi mot hnân jekhom hnyi ta je dok hia thithö waleji u me he ka he ka hnyin. |
maintained by the British and Foreign Bible Society
Bible Society of the South Pacific