Jeremia 4 - Iaai Bible 1901 (New Caledonia)

¹ ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

² ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

³ Anyin a walang hna ha hnö Iehova ka at Juda me Jerusalema, ka habe, Trohnenâ ju könöbun kânâ ae itremacat ut, ke ca he bi ka belökâ dok ae hu wadekong hnyin.

⁴ Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

⁵ Khetâ thö hnyi Juda, ke haimemenâ thö hnyi Jerusalema me ha, ka habe, Ûkhacaköu thö, ate me he ka didro ka hnyi je taun adre up haginy.

⁶ Ogöranyâ thö boûdila hnyi Ziona, kec dö ka hnyi dok ae khötkic, ca tot bi: anyin oge me he ka hom okongon ûheny hnyi hwadro, me hnaûhango ae gan hmâ.

⁷ Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

⁸ Can e, weikâ ju öbun mano ae gan nân, tenge thö me kuku; anyin ame ca hmetu gata hmonyin ae gan hmâ anyi Iehova.

⁹ Haingö Iehova, ka habe, Hnyi bong eling ame he ka aû but hnyekon than, me hnyekon je taben; ke ame he tavat bihut ka uthmâhmâ, kʼ ame he ta je perofeta ka lâiâ.

¹⁰ Me oge me ha, ka habe, E köiö Than Iehova, e hnathu u je ti omono tavat ang me Jerusalema, me ha, ka habe, Öbun e he ka hu ûsoköu; ke hwâdâ but hele vat ka hnyi hnyok.

¹¹ Hnyi ûen e, adre me he ka ha ka tavat ang me Jerusalema, ka habe, Ang ae kahwa ûnyi ethö je dok ae ba leûnen hnyi hnyebuba cicö hluiny ik hnyei, ca hnân ulec me ânyâwia;

¹² ame he ka o hobi könya ang ae hwege ûheny e: ke walang ang oge me he ka ha je hna bi hwaban kodra.

¹³ Wâ bi, e ame he ka o helâ me je ûlâ, me anyin je kariota helâ me hou: haba haleny je hors e logot hon je aeto. Ekölö gata anyin ate hnaûhango but.

¹⁴ Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

¹⁵ Anyin ame ha hofuc ûheny Dana, me haimemenâ monu ûnyi hnyi bucen Eferaima:

¹⁶ ha thö ka ta je hnyei: wâ bi, haimemenâ thö ka Jerusalema, a ame he jem tavat tue ûheny hnyi hnyei ae sâkâû, me kuku goranyai ka hnyi je tauniny Juda.

¹⁷ Adre me he ka tot igigilo e, helâ me tavat hmâkâ ta hnyei; anyin a e ame ûkhin fuc mönya, haingö Iehova.

¹⁸ Hnen dem je gethen me hnâm hna ânyâ hna ohwâdâ köu ta je ûnyi eling; wale ânyâm hulo: anyin ae hiny e; ame o but ka hnyi hnyekom.

¹⁹ Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

²⁰ Adre me hongot ûhangö me ûhangö; anyin adre söh hia thö hnyei: adre ie söh umök je uma mano, me anyik je hak mano helâ me thuthubadecmak.

²¹ Oge me he ka wâ boûdila ke ne o but kehö, me long ifucin trutru?

²² Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

²³ Oge me wâ hmeledrany, ke wâ bi, e ba hwenoiny, ke ba önyen; ke oge me wâ drany ae ba but melam.

²⁴ Oge me wâ je bucen, ke wâ bi, adre me öbubuny, ke haba je hut hia adre me jijing.

²⁵ Oge me wâ, ke wâ bi, e ba but at, ke a hia but ta je meno hia ame gâ ethö.

²⁶ Oge me wâ, ke wâ bi, a hnyotö ta hnyei ae so, ke adre me hagutâ but je tauniny hia hnyi hnyimakö Iehova, hnyi hnyimakan anyin hmonyin ae kahwa.

²⁷ Anyin a walang hna ha hnö Iehova, ka habe, Ame he ka ba wan hnyei hia; ke so bi, oge me ca he ka kot hia.

²⁸ Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

²⁹ Ame he taun hia ka kec ge hwan tavat tabô hors, me tavat hlic fana; adre me kec ka hnyi hnyot, me ölö hnyi kic: adre me he ka hna degecâ je taun hia, ke ba at a khaca ame he ka labā.

³⁰ Ke haba u, ödra ka hia but sei u, ieû u me he ka ânyâ? Eja ke ne u je ne he ka hkaûö u ge ûkhaû ae dra vec, me theibi u ge je hmanenanginy gol me ogânâ li emâkâm ge botru, e ûnyi baû bi hnâm hna he ka ohmanenangi u bi; ame he tavat adre me wedra u ka hûkötiö u, adre me he ka elâm he ka hlingö u.

³¹ Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.