Jeremia 39 - Iaai Bible 1901 (New Caledonia)

¹ KE haba hnyi ûen adre kot Jerusalema, (hnyi huna a naini Zedekia than Juda, hnyi tehi a teniny ame o but Nebukaneza than Babulona me anyin utbavat hia ka Jerusalema me igigilo e;

² ke haba hnyi huna a eleveni Zedekia hnyi tehi a vakiny, hnyi bong a naniny tehi, adre me thö hmouca haginy taun:)

³ me ame didro je taben anyin than Babulona, me laba hnyi homagöule eû hnyi wanben, jia Neregale-sareza, me Samegara-nebo, me Sare-sekim, a Rab-saris, me Neregale-sareza, a Rab-mag, me ke je taben hia anyin than Babulona.

⁴ Ke a ō ʼdra but Zedekia than Juda, me tavat vat hia, me adre me kec me he hnyi hnyinghet, ûnyi hnyi taun, hnyi gethen ûheny hnyi utkânâ iny than, hnyi homagöule wanben li hak veto: ke e ame vheno gethen ûheny hnyebuba.

⁵ Ke haba utbavat anyin at Kaledaia adre me hnu ödra me khöû Zedekia hnyi dok ae tha hon hnyi Jeriko: ke adre me kât e me hom kö Nebukaneza than Babulona hnyi Ribela hnyi hnyei Hamath, ke e ame owisa gan.

⁶ Haba than Babulona ame hlingâ hnyi Ribela je laku Zedekia hnyi hnyimakan; ke haba than Babulona ame hlingâ je homakan at Juda hia.

⁷ Ke e ame ûâ li emakö Zedekia, me ca e ge fao, me hom e Babulona ai.

⁸ Ke haba at Kaledaia adre me thong uma umen than, me je uma umen tavat ge meic, me kia hna up haginy Jerusalema.

⁹ Ke haba je kolon tavat a hnen biju hnyi taun, me tavat kec waleji adre me utut kâu, me keihen minya a je kolon ame hum ödra Nebuzaradana taben tavat tue, Babulona at

¹⁰ Ke haba Nebuzaradana taben tavat tue, ame ip biju keihen ae theduoc, tavat ae ba omjeû unyidra, hnyi hnyei Juda, me ham minya ködra je hnyei vine me je utkânâ hnyi bong eling.

¹¹ Ke haba Nebukaneza than Babulona ame hûnö Jeremia kö Nebuzaradana taben tavat tue me ha, ka habe,

¹² Hom dö e, me wâ wia e, ke ca okongoâ e, ke ânyâ thö kâu helâ me ûnyi e ame he ka ha köu.

¹³ Me Nebuzaradana taben tavat tue, me Nebusazepana, a Rab-saris, me Neregale-sareza, a Rab-meg, me ta je taben hia anyin than Babulona, ödrin e kunâ;

¹⁴ adre me ûkhûnöng me hum Jeremia ûnyi hnyi hnyeuleny uma ceat me hna e kö Gedalia nöku Ahikama, nöku Safana, me me hom e ka hnyi uma: me e ame tha laba me tavat.

¹⁵ Ke ame o but kö Jeremia hofuc ho Iehova, waleji hnyi ûen adre hlöng hnyin hwanumen hnyi hnyeuleny uma ceat, ame ha, ka habe,

¹⁶ He thö ka ha kö Ebede-melek at Aithiop, ka habe, Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ hok hofuc ka taun ang me me kong ke ca so bi; ke ame he ka aat hnyi hnyimâkâm hnyi bong eling.

¹⁷ Ke haingö Iehova, ka habe, Oge me he ka omeli u hnyi bong eling; ke adre me ca he ka hnö u ka hnyi hnyamen tavat waleji u je outen.

¹⁸ Anyin ae hnathu oge me he ka omeli u, ke u me ca he ka ta ge hele vat, ke ame he ânyâm mot ka jekhom: anyin u je hia but labageju könya, haingö Iehova.