Jeremia 34 - Iaai Bible 1901 (New Caledonia)

¹ WALANG hofuc ame o kö Jeremia ûnyi ga Iehova, waleji hnyi hnö Nebukaneza than Babulona, me anyin utbavat hia, me je dokhu hia e ame muso eang hmelen, me je tavat hia adre me vat me Jerusalema, me je tauniny hia, ame ha, ka habe,

² Walang hna ha hnö Iehova Khongu Isaraela, ka habe, He thö ka ha kö Zedekia than Juda me ha kâu, ka habe, Walang hna ha hnö Iehova, ka habe, Wâ bi, oge me he ka ham taun ang ka hnyi hnyamen than Babulona, ke e ame he ka thong e ge meic:

³ ke u me ca he ka kec gan, ke e hnathu adre me he ka kot u, me hnö u ka hnyi hnyamen; ke u me he ka ûhnyimâkâmköu me than Babulona, ke öbu me he ka ifucköu, ke u me he ka he Babulona ai.

⁴ Ke so bi, Zedekia than Juda lö, löng ju hofuc ho Iehova: walang hna ha hnö Iehova gam, ka habe, U me ca he ka mok ge hele vat;

⁵ u me he ka mok wia, ke adre me he ka le hobi köu helâ me hna le hobi kâu lakâmâm, je than a bân hnyi ûen ae tiga hiö u; ke adre me he ka tenge thungaû gam me ha, ka habe, Ekölö ge than! anyin oge hia but ha, haingö Iehova.

⁶ Me Jeremia perofeta ame ha kö Zedekia than Juda ta je hofuc eling hnyi Jerusalema,

⁷ hnyi ûen ame vat deo vat anyin than Babulona me Jerusalema, me je tauniny Juda hia a je kolon, wale Lakisa, me Azeka: anyin a wale li kolon je tauniny Juda, je taun adre up haginy.

⁸ Walang hofuc ame o kö Jeremia ûnyi ga Iehova hwaban hna ûhihinyköu hnö Zedekia than me tavat hia hnyi Jerusalema he ka haimemenâ hna thang baûâ;

⁹ mʼadre me he ka ve hna baûâ je athnyabaidra obaga me omomo, a je tavat Heberu; mʼ adre me ca he ka thalu ödra, wale at Heberu a je liamekeiny mödra:

¹⁰ ke ame ânyâ e hnen je than hia me tavat hia, waleji adre ûhihinyköu he ka ve hna baûâ je athnyabaidra obaga me omomo, mʼ adre me ca he hmetu ka thalu ödra nyiele; adre me hnu hoton, me kunʼ ödra:

¹¹ ke hwaban e adre me hwio me ohmeto je athnyaba obaga me omomo, waleji adre hna baûâ, me thalu ödra, mʼ adre me je athnyaba hmetu obaga me omomo;

¹² anyin a wale ame o but hofuc kö Jeremia ûnyi ga Iehova, ka habe,

¹³ Walang hna ha hnö Iehova Khongu Isaraela, ka habe, Oge ûhihinyköu me lakamöbun, waleji hnyi bong oge hum ödra hnyin ûnyi hnyi hnyei Aigupito, ûnyi hnyi hnyaba ae ûthaluo me ha, ka habe,

¹⁴ Hyni obiny je huna a seven u me he ka hna liamekeiny möu a at Heberu, waleji u je ûco, ke a bi athnyabaem hnyi siks ta huna, u me he ka hna baûâ e: ke haba je lakamöbun adre me ca ling nya, me tevehling nya.

¹⁵ Ke öbun e hwio walang ang me ânyâ wisa hnyi hnyimakök, wale hnyi hnobun hna haimemenâ he ka ve thong waeny; ke öbun e hia but ûhihinyköu hnyi hnyimakök, hnyi uma waleji adre ip hon iök:

¹⁶ ke so bi öbun e hwio hmetu me okongoâ iök, me ve ohmeto je athnyaba obaga me omomo, waleji öbun e hna baûâ hoton wedra; ke öbun e musi ödra, he ka bi athnyaba obaga me omomo.

¹⁷ Anyin a wale, walang hna ha hnö Iehova, ka habe, öbun e ca hia but ling nya, he ka ve haimemenâ hna thang baûâ ka je liamekeiny möbun, me je laha-nöbun: wâ bi, haingö Iehova, inya oge me haimemenâ köbun hna thang baûâ, ka hnyi hele vat, me mok ae cap, me hmiâ; ke oge me he ka hnʼ öbun he ka monu hnyi ta je dokhu hia thithö eang hmeledrany.

¹⁸ Ke oge me he ka ham ka tavat a tavat hanyâûâ anyik ûhihinyköu, waleji adre ca ohwâdâ hofucin ûhihinyköu waleji adre ânyâ hnyi hnyimakök, waleji hnyi hnödra hna subâ luâ nokon kau, me he hnyi wanben li ke keihen e;

¹⁹ je than Juda, me je thaniny Jerusalema, je eunuka, me tavat bihut, me tavat hia hnyi hnyei, a tavat adre me he hnyi wanben li ke keihen nokon kau;

²⁰ awe, oge me he ka ham ödra ka hnyi hnyamen ta je iwahnaihmiony mödra, me ka tavat adre me elâm he ka hlingʼ ödra: ke ame he ta je unyidra ka hnân an ta je meno ame gâ, me ta je menoiny hnyot.

²¹ Ke oge me he ka ham Zedekia than Juda me anyin je taben ka hnyi hnyamen ta je iwahnaihmiony mödra, me ka tavat adre me elâm he ka hlingʼ ödra, me ka hnyi hnyamen utbavat anyin than Babulona, tavat adre me he hââng ûhedra unyibun.

²² Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.