Jeremia 30 - Iaai Bible 1901 (New Caledonia)

¹ HOFUC ame o kö Jeremia ûnyi ga Iehova ame ha, ka habe,

² Walang hna ha hnö Iehova, Khongu Isaraela, ka habe, Sihnalimen ju hnyi tusi ta je hofuc hia wale oge me ha köu.

³ Anyin a wâ bi, ame he ka o je bong, haingö Iehova, me oge me he ka ohmeto lakeik a at Isaraela me Juda ûhedra hnyi hna bâ, haingö Iehova: ke oge me he ka ohmetu ödra ka hnyi hnyei, waleji oge ham ka lakamödra, ke adre me he ka hu e.

⁴ Ke walang je hofuc ho Iehova ge at Isaraela, me Juda.

⁵ Anyin a walang hna ha hnö Iehova, ka habe, Ate hia but löng hwan öbubuny me ot, ke ca hnahic bi.

⁶ Hnö thö walang ang me wâ, a ne baga ame hnokoâ wanakat: anyin a ieû oge me wâ je baga hia adre me ve tot cimâ je jebalainudra helâ me momo ame vec hnyekon, ke löhau hia but ta je hnyimakodra?

⁷ Ekölö! anyin ae gan hmâ bong eling, ke ba ke bong a helâe: wale ûen vec kö Jekob; ke so bi, adre me he ka omelo e hnyin.

⁸ Ke hnyi bong eling haingö Iehova tuhan sabaoth, oge me he ka thamuâ hna ûhûkâlàköuâ ûnyi hnyi hon nyem, me thu omomono je hna cö u; ke ame ca he hmetu ta je atkanyua ka thaluâ e:

⁹ ke adre me he ka bi athnyabai Iehova Khongudrin me Davita a tuhödra wale oge me he ka oâ kodra.

¹⁰ Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

¹¹ Anyin a haingö Iehova, ka habe, tha inya but möu he ka omeli u; anyin oge me he ka bi obiny ka je hnyei hïa waleji oge obö u ka hnyin, ke oge me ca he ka bi obiny köu; ke oge me he ka nö u ge hna owisa, ke oge me ca he ka hnö u ke ba hwaban.

¹² Anyin a walang hna ha hnö Iehova, ka habe, E ba eny ge ânyâm vec, ke gan hmâ hnâm aat.

¹³ E ba at ame he ka ivino hobi köu, mʼ adre me he ka lan u; e ba bubuny adre me melen unyâm.

¹⁴ A hnying u but hnen je lawaem hia; adre me ca elom u: anyin oge kuc u helâ me hna kot hnen iwahnaihmiony, me hna kot hnen at ame beovecâ: can ûganiny hwakecâm ae kong, anyin ae se hia ânyâm ta je hulo.

¹⁵ Ieû gam u me tenge can hna kuc u? e ca hnân e eny ânyâm vec: oge ânyâ e köu can ae se hia je hwakecâm ae kong, ke ti se hia ânyâm je hulo.

¹⁶ Anyin a wale, adre me he ka ohiʼ ödra tavat adre me ohiö u; ke adre me he ka hwenbâ ta je iwahnaihmiony mou; ke adre me he ka söh tavat adre me sei u, ke oge me he ka hna he ka hûgûnâ hia ta je ûnyi anyin tavat adre me hûgûnâ ânyâm ta je ûnyi.

¹⁷ Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

¹⁸ Walang hna ha hnö Iehova, ka habe, Wâ bi, oge me he ka ohmeto je uma mano umö Jekob adre hom, me betenge ge hnyaban; ke adre me he ka otilâ taun hon hna hagutâ e, ke ame he ka tot uma umen than hoton bongon e.

¹⁹ Ke ame he ka o gadra hwan ole, me hwan tavat adre me senyin: ke oge me he ka osehiʼ ödra, ke adre me ca he ka wakhalet; ke oge me he ka ogânʼ ödra, kʼ adre me ca he bi ka ûhnyûkong.

²⁰ Ke ame he lakudra ka helâ me ehac, ke ame he ka tethmâ anyidra ûkhacaköu hnyi hnyimakök, ke oge me he ka bi hwaban kodra hia adre me sedʼ ödra.

²¹ Ke ame he ka o than ûnyi gadra, ke ame he ka o ûnyi hnyi wanbödra at ama musi ödra; ke oge me he ka ohakekenyâ e könya: ke ie at ae hu tang hwegien he ka hakekenyi nya? haingö Iehova.

²² Ke öbun e he ka lakeik, ke oge me he ka Khongubun.

²³ Wâ bi weneû anyi Iehova wale anyin wathethot ame he thö, a weneû at ame aba: e ame he ka hwâdâ hon ban tavat ae kong.

²⁴ Ame ca he hmonyin ae hwege anyi Iehova ka hmetu, ke ne o but e ame hia but mâdrâ, me ohwâdâ je ûnykûmenen hnyekon; öbun e he ka wâhmakhmetoâ hnyi je bong a biliny.