Biblia Todo Logo
Bìoball air-loidhne

- Sanasan -

Jeremia 17 - Iaai Bible 1901 (New Caledonia)

1 ADRE hia but sihnalimen hulo anyi Juda ge pen fao, me homakan samira: adre kave hnyi viny je hnyekudra, me hon je baitoiny anyibun je taben hut;

2 ke haba ta je lakudra adre me ûnykûme anyidra ta je taben hut, me anyidra je Aseira hnyi je ûö ae hât hon je hut ae gorany.

3 Anyik bucen hnyi utkânâ lö, oge me he ka ham ânyâm ta je ûnyi me je tang omjehem hia, hnân söh, me ânyâm je dok ae gorany hnyi ta je hnyigöulâm hia thithö, can hulo.

4 Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

5 Walang hna ha hnö Iehova, ka habe, E ka mok at ama labageju ka at, me wia at me me hnân hnyamen, ke haba hnyekon ame hota degeci Iehova.

6 Ke e ame he ka helâ me ûö ae ba lan hnyi hnyebuba, ke ame ca long bi, e ka o so; ke e ame he ka labā je dok ae hwahwacit hnyi hnyebuba, hnyei ae sâlt, ke ca hnân labā.

7 Hnahic hnen at ame labageju kö Iehova, at ame ip Iehova hnân jekhon.

8 Anyin a e ame he ka helâ me ûö adre tā hnyi ta je köiö, ame iyâû je wân ka hnyi wagewe, ke ame ca he ka hlohlo, e ka o bi kahwa, ke ame he ka hât ta je lan; ke ame ca he ka hmak hnyi huna ae ba hnyin we, ke ame ca menâ bi wa.

9 Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

10 Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

11 Haba kore ame mokulec ta je lakon, ke ca ta je hing lakon bi, helâe ge at ae tren omjeû ke ca hoton bi wisa; hnyi wanben bonginy je bong, e ame he ka hna degecâ bi e, ke haba hnyi obiny e ame he ka at ae monu.

12 Theron ae hmanenang me gorany ûnyi hnyi hwân, wale hnen anyita dok ae kap.

13 Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

14 Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

15 Wâ bi, ödra adre me ha könya, ka habe, Ewa hofuc ho Iehova? e so e hwâdâ thö walang ang.

16 Ke haba inya oge me ca ie ngâ he ka at tuö mamoe hotom; ke haba khaca, oge me ca hia but weny bonginy vec; e khanö u; e hnyi hnyimâkâm hofuc ame he but ûnyi hnyi li esongodik.

17 E so u me ca bi hnân ot könya; u thibi hnok hnabâ hnyi bonginy vec.

18 E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

19 Walang hna ha könya hnö Iehova, ka habe, He thö ka tot hnyi homagouleny je lakon tavat, wale hnen je tuhan Juda hna didro me didrut hnyin, me hnyi je homagouleny hia Jerusalema;

20 ke ha thö kodra, ka habe, Löng ju hofuc ho Iehova, öbun je than Juda me at Juda hia, me aten Jerusalema hia, tavat adre me didro hnyi je homagöule ang:

21 walang hna ha hnö Iehova, ka habe, Wâ eâu öbun, ke ca hom bi ke ûnyi hnyi bong sabath, ke ca dit më hnyi je homagouleny Jerusalema:

22 ke ca he öbun ka hok ûnyi ûnyi hnyi umöbun je uma hnyi bong sabath, ke ca ânyâ bi ke huliwa, ke so öbun e okâbâ bong sabath, helâji me hnok hna hûna ka lakamöbun;

23 ke so bi adre me ca löng, me tevehlöng, ke adre me ohwegiâ je nyidra, mʼ adre me ca löng bi me kap bi hna ûnö.

24 Ke öbun e ne ti ling nya, haingö Iehova, me ca hom bi ke ûnyi ka hnyi je homagouleny taun ang hnyi bong sabath, ke öbun e ne okabâ bong sabath me ca huliwa hnyin e;

25 awe, ame he ka labö didro hnyi je homagouleny taun ang je than me je taben, tavat adre me tabâ theron anyi Davita, adre me tabâ je kariota me je hors, ödrin, me je taben, aten Juda, me aten Jerusalema: ke ame he ka tethmâ taun ang nyiele balua.

26 Ke adre me he ka o ûnyi hnyi je tauniny Juda me je ke keihen igigilo Jerusalema, me ûnyi hnyi hnyei Beniamina, me hnyei ae tha hon, me je bucen, me ûnyi hnyi Hwaiöu, adre me hom je hudiny leû, me je hut, me je hudiny han, me libanu, me adre me he ka hom je hudiny ole, ka hnyi uma umö Iehova.

27 Ke öbun e ne ca ling nya he ka okabâ bong sabath, me he ka ca hije hok, me didro ka hnyi je homagouleny Jerusalema hnyi bong sabath; awe, oge me he ka hû meic hnyi ta je homagouleny e, ke ame he ka an je uma umen je than hnyi Jerusalema, ke ame ca he ka mok.

maintained by the British and Foreign Bible Society

Bible Society of the South Pacific
Lean sinn:



Sanasan