I. Timoteo 1 - Iaai Bible 1901 (New Caledonia)

¹ INYA Paulo aposetolo anyi Iesu Keriso, hoton musi anyin Khong, At a omeli öta, me Keriso Iesu, hnöta hna geju kâu;

² oge me sihnalimen kö Timoteo, a hing nokuk hnyi labageju: E so e unyâm ibetengiö baû, me tang ibetengiö, me hnahic, ûnyi ge Khong a Kamen, me Keriso Iesu a Tuhöta.

³ Oge me sumatö u he ka laba hnyi Efeso ehac, ke helâe minya walang ang, waleji mʼ iny he Makedonia ai, mʼ u me he ka hûna ka keihen, a gʼ adre me ca he bi ka ûnö hofuc ae ke bongon,

⁴ me ca he ka oûnyihnathoâ bi ta je vekhet, kʼ adre me ca aû bi ta je döiny tavat, wale ae ba obiny, kʼ ame okûâ iwatretra, kʼ ame ca okûâ huliwa ka Khong hnyi labageju.

⁵ Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

⁶ ke a hia but keihen haûhaû hnyi ta je ûnyi e, kʼ adre saû ka hnyi hofuc ae ba onyen;

⁷ ke wedra he ka ûnö hnanyibu, kʼ adre me ca wâ ûnykûme hnödra hna ha, me bongon ta je ûnyi adre me ha hwegiâ.

⁸ Ke e khanʼ öta ae so hnanyibu, at ka huliwan hnyi wisa,

⁹ wale he ka wâhmakhmeto a gʼ adre ca otilâ hnanyibu hobi kâu at ae wisa, ke hobi kodra bi adre me hanyâûâ hnanyibu me ca ûling, me ca ot, kʼ adre ânyâ monu, ke kong hwakecidra, ke thothom baga, ödra tavat hlingâ lakamödra, ke tavat adre me hlingâ lahinyödra, ke tavat ûhlingö,

¹⁰ ke tavat bi ûnyi monu, ke tavat adre me hwen Sodoma, ke tavat venöu at, ke tavat thoi, ke tavat khemanyin thoi, ke ame ne hu ke hwakecin ae ca ûcû me hna ûne ae wisa;

¹¹ hoton evangelia ae hmanenang anyin Khong ae tren hnahic, waleji adre me hna könya.

¹² Ke inya oge me ole ka Keriso Iesu a Tuhöta, at ame ömani nya, anyin a e ame ûnykûme a iny hnathu, me ame ham könya anyin huliwa;

¹³ ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

¹⁴ ke ame ti si but ibetengiö baû anyin Tuhöta, me labageju, me ibetengiö wale ae unyin Keriso Iesu.

¹⁵ Walang uthofuc ae hnathu, me ti ûcû he ka kap, ka habe, A o Keriso Iesu eang hmeledrany he ka omelö tavat ae monu; ke iny beönua bi hudrin:

¹⁶ ke wale thibi e can adre betenge baû könya, me me he Iesu Keriso ka omanenâ a ûnyi gak, wale at ae nuâ monuiny, anyin hokhnyok ae beû hmâ hia thithö hnân tulut kodra adre me he ka labageju kâu nyiele, mʼ adre me hu gadra möt ame ca ba balua.

¹⁷ E so e unyin Than a e balua bi, me möt balua bi, me iyong bi, Khong a khaca thibi, e so e anyin bi, hna ogânâ me hna olungâ nyiele nyiele balua. Amen.

¹⁸ Nokuk lö, Timoteo, inya oge me ham köu hna hûna eang, hoton hna perofetö u a bân, me u me he ka vâtâ vat ae so hnyin e;

¹⁹ he ka kât labageju me oûnykûm ae so; waleji ame hna degecâ keihen adre öûâ but anyidra labageju:

²⁰ jia Humenaio, me Alesanedro a li lahanödra; waleji oge me hnʼ ödru kö Satana, mʼ adre me he ka nʼ ödru he ka ca fuc bi gan.