I. Samuela 11 - Iaai Bible 1901 (New Caledonia)

¹ KE ame o but Nahasa at Amona me hunuma cicö Jabese-gileada: ke ame ha at Jabese hia kö Nahasa, ka habe, U me he ka ûhihinyköu möbmun, me ohmun e he ka bi athnyabaem.

² Haba Nahasa at Amona, ame thu ködrin, ka habe, Walang oge me he ka ûhihnyköu möbun a gʼ ame he ka bân ka oc ut je emaköbun hia a metâ; ke oge me he ka ip ûnyi e hnân haikongoâ at Isaraela hia.

³ Me ame ha kâu wahingat hnyi Jabese, ka habe, Me hnʼ ohmun hnyi seven ta bong, me ohmun e he ka kunâ je ûthumetu ka hnyi je hnyigöulen at Isaraela: ke ame ne ba at ame he ka omeli ohmun, awe ohmun e he ka he köu.

⁴ Me ame o je metâ hnyi Gibea i Saulo me thumeto tavat ge ta je hofuc eling: me ame tenge gan hmâ tavat hia.

⁵ Ke wâ bi, ame o but Saulo e ame alen je kau ûheny hnyi hnyei; ke Saulo ame ha, ka habe, Ieû ame tenge gan tavat; Me ödrin e thumeto ge hofuc hwan at Jabese.

⁶ Ke ame o hwege hanon Khong ka hnyi hu Saulo, hnyi ûen e ame long hofuc eling, me ame ubâhlâ gan hmâ anyin hmonyin.

⁷ Me e ame hom li bolok, me susubʼ ödru, me kunâ me je metâ ka hnyi je ke keihen hia anyi Isaraela, me ha, ka habe, Adre me he ka ânyâ helâng ka je bolok haleny tavat adre me ca he ka he hotu Saulo me Samuela. Me ame o ot ka tavat ûnyi ga Iehova, ke ödrin e ok helâ me at a khaca.

⁸ Ke e ame öû ödrin huyi Bezek; ke haba lakon Isaraela Ödra theri haded thauzan, ke thote thauzan at Juda.

⁹ Me adre me ha ka je metâ ödrin e o, ka habe, Öbun e he ka ha ka at Jabese-gileada, ka habe, Haba nyi e ka vec ut hwan seûno, me adre me he ka hnʼ öbun. Me ame he je metâ me thumeto at Jabese, me ödrin e senyin.

¹⁰ Waleling me me ha at Jabese, ka habe, Ohmun e he nyi ka didrut köbun, me hamöbun he ka ânyâ hia kohmun webun.

¹¹ Ke haba nyi Saulo ame khenâ tavat me me kun ta bunyen: ke ödrin e o hnyi wanben hna hunuma hnyi hna hmak hnyi hnyomakatu, me kot at Amona ke ne o but ame vec hwan seûnö: ke adre oveseâ bi je kolon, me me ca tha laba li at a lo.

¹² Ke ame ha tavat kö Semuela, ka habe, Ie at a ha, ka habe, Hawa, ame he Saulo ka musi ota? Hom but jem tavat mʼ ohmun e he ka hlingʼ ödrin.

¹³ Haba Saulo ame ha, ka habe, Adre me ca he ka hlingâ ke at hnyi bong ang: anyin a Iehova ame ham möt hnyi bong ang hobi kâu at Isaraela.

¹⁴ Me Samuela ame ha ka tavat, ka habe, Otin he Gilegala ai, he ka ohâtâ! dökhu eling.

¹⁵ Me ame he tavat hia Gilegala ai; me adre me otilö Saulo eling ka than hnyi hnyimakö Iehova hnyi Gilegala; ke adre me hudo eling je hudiny ole hnyi hnyimakö Iehova; me ame tha senyin gan hmâ eling Saulo me at Isaraela hia.