I. Korinito 6 - Iaai Bible 1901 (New Caledonia)

¹ AME hwege la ke at gabun, a ne hu gan ke ûnyi hnân iwatetra me ke at, he ka ûhnö hnyi hnyimakan tavat ae ca wisa bi, ke ca hnyi hnyimakan bi wakap Ke ca khanʼ öbun a gʼ ame he wakap ka owisa hmeledrany?

² ke öbun e ne owisa hmeledrany, hawa, e ca ûcû köbun he ka owisa ta je ûnyi ae ûhnyûkong?

³ Anyin ae ca khanʼ öbun a gʼ ate me he ka owisa ta je angela? awe, e ti ûcû köta he ka owisa ta je ûnyi hnyi möt ang?

⁴ Waleling a ne hu gabun ta je ûnyi hnyi möt ang he ka owisa, hawa, öbun e kunâ waûhnyûkong hnyi ekalesia he ka owisa!

⁵ Ogo me ha ûnyi e me hnân ohmebmʼ öbun. Hawa, e hnathu ae ba at a khaca ae metâ gabun, wale ae khana he ka owisa je liamekeiny më,

⁶ ke haba liamekeiny ödru me ûhumödruköu ka hnyi owisa, ka hnyi hnyimakan hnyat ca labageju bi?

⁷ Ke wale! anyibun monu a öbun e ûhumöbunköu öbun. Ieû gabun öbun e ca hokhnyokâ ûokonguny? Ieû öbun e ca hna gan anyibun ta je ûnyi adre hûgûnâ?

⁸ Ke haba öbun bi, öbun e okongoâ bi, me hwenenâu ta je ûnyi anyin hnyat me lakeiny.

⁹ Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

¹⁰ me tavat venöu, me tavat behnyekon, me tavat adre me ic monu, me tavat hwege hnyimen, me tavat hûgûnö omjeû, me adre me ca he bi ka hnyi hanen dokhu dokhon Khong.

¹¹ Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

¹² E ûcû könya ta je ûnyi hia thithö; ke so bi e ca ûnyi hnathu ta je ûnyi hia thithö. E ûcû könya ta je ûnyi hia thithö; ko so bi oge me ca he ka hna but ka ke ûnyi a khaca he ka musi nya.

¹³ Haba ta je jeû, me hobi kâu hnyok, ke hnyok hobi kâu ta je jeû: ke ame he Khong ka tha ohia. Haba unyin, me ca hnân hobi kâu bi ûnyi monu, ke so bi hobi kâu Than, ke haba Than, me hobi kâu unyin:

¹⁴ ke haba Khong ame omelö hmetu thö Than, me e ame he ka omeli öta hmetu ûnyi ge maniny man.

¹⁵ Ke ca khanʼ öbun a haba je unyibun, me wale je outhunyin Keriso? anyin a wale, hawa oge me he ka hom je outhunyin Keriso he ka wia me hnân outhunyin momo hnyi gethen? Ohe.

¹⁶ Hawa, e ca khanʼ öbun a haba at ame hom momo hnyi gethen, me khaca but unyidru? anyin a haingen, ka habe, Ame he ka khaca unyidru.

¹⁷ Ke haba at ame tha he me Than, me khaca thibi hanu.

¹⁸ Kec dö ûnyi hnyi bi ûnyi monu. Ame ca he ka oaatâ ka hnyi unyin ta je monu ame ânyâ at, ke haba at ame bi ûnyi monu, me ame ka hamen okongoâ unyin bi.

¹⁹ Hawa, e ca khanʼ öbun a haba je unyibun, me uma umen Hanu Kap wale eû hnyi je hnyekubun a hu but köbun ûnyi ge Khong? haba öbun, me ca anyibun bi;

²⁰ anyin adre hia but ûcû öbun ge hwaban: anyin a wale ogânâ thö Khong ge ta je unyibun bi.