I. Korinito 2 - Iaai Bible 1901 (New Caledonia)

¹ HNYAT me lakeiny lö, haba ge imwik e unyibun, me oge me ca tha o me hofuc ae hmanenang me metâ, hnyi hnok hna omanenâ köbun ûnyi ae iyong anyin Khong.

² Anyin ae mou but eû hnyi hnyekuk ehac, a gʼ ame ca he ka khanö nya ke ûnyi unyibun, ke hake Iesu thibi a gʼ adre osatauroâ ehac.

³ Ke inya unyibun hnyi sēnyin, me ot, me öbubuny ae gan hmâ.

⁴ Ke haba ifucik ke hnok hna khetâ, me ca hnen bi hofuc ae senem hnyi metâ, ke ame kû hnen Hanu me man:

⁵ me me ca he ka e hnyi metâiny at anyibun labageju, ke so bi hnyi man maniny Khong.

⁶ Ke ohmun e khetâ metâ unyin tavat ae ti metâ; ke so bi ca metâ ûnyi eang hmeledrany ke ca ûnyi ge je tuhan meledrany, wale ame he ka hia bi:

⁷ ke ohmun e ha metâ anyin Khong ûnyi ae iyong, waleji adre me ikhâlâ, ke a ip hnen Khong adrem ke tiga hia bi hmeledrany hnân ogânʼ öta:

⁸ wale ae ca khana hnen je than eang hmelen: anyin a ne khanʼ ödra, me adre me ne ca he ka osatauroâ Thaniny hmeledrany:

⁹ helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

¹⁰ Ke a hia but Khong omanenâ köta hnen Hanu: anyin a Hanu ame elelâm ta je ûnyi hia, eke, ta je ûnyi ae dit anyin Khong.

¹¹ Anyin a ie ke at ae khana ta je ûnyi anyin ke at, ke so thibi hanon at eû hnyi hnyin? helâe, ae ca khana at ta je ûnyi anyin Khong, ke so thibi Hanon Khong.

¹² Ke ate me ca kap bi hanon hmeledrany, ke so bi hanu ûnyi ge Khong; me me khanʼ öta thö ta je ûnyi a ham bâûâ köta Khong.

¹³ Ke ohmun e ha ta je ûnyi e, ca ûnyi hnyi hofuc adre nâ hnen metâ anyin at, ke so bi ûnyi hnyi hna ûne hnen Hanu; ame omanenâ ta je ûnyi anyin hanu ka tavat aten hanu.

¹⁴ Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

¹⁵ Ke haba aten hanu ame wâ ûnykûme ta je ûnyi hia, ke ame ca wâ ûnykûme e hnen ke at.

¹⁶ Anyin a ie at ae khana ûnykûmenen Than, me me he ka nâ e? Ke hu but gata ûnykûmenen Keriso.