I. Je Than 10 - Iaai Bible 1901 (New Caledonia)

¹ KA long ut momo than Sheba lung anyi Solomona hnyi iö Iehova, me e ame o but he ka cubec ge je hofuc ae iyong.

² Ke e ame o but hnyi Jerusalema me bunyen ae se, a je kamela ame hijen je utö ae bo so, me gol ae ti gan, me je veto ae ûnyi hnathu: kʼ ame o but kö Solomona, me e ame ûhnenamö më ge ta je ûnyi eû hnyi hnyekon.

³ Ke Solomona ame omanenâ kâu ta je ûnyi e ame hnö: e ba ûnyi a ikhâlâ than a ga ca omanenâ kâu.

⁴ Ke a hia but momo than Sheba wâ ta je metâ anyi Solomona, me uma e ame op,

⁵ me jeû hon anyin laulau, me hwakecin ûlabainy lathnyabainy, me hwakecin ûtilen anyin tavat huliwa, me je khaûdrin, me tavat khop anyin utkaia, me deny gethen ame olo ka hnyi uma umo Iehova; me e ame gâ on ge lâiâ.

⁶ Ke e ame ha ka than, ka habe, E hnathu ûthumetu oge long hnyi ik hnyei ge hnâm hna ânyâ, me ânyâm metâ.

⁷ Ke so bi oge ca kap ûthumetu ke ne o but oge me o me wâ ge li emakök: ke wâ bi, adre me ca thumetu nya ge hafiny: e beönua ânyâm metâ me sot hon ûthumetu oge me long.

⁸ E hnahic ânyâm tavat, e hnahic lathnyabaem ang, wale adre tot bala hnyi hnyimâkâm, me long ânyâm metâ.

⁹ Ole kö Iehova Khongom, at ae weny u, he ka otilö u hon theroni Isaraela: anyin a Iehova ame betenge ka at Isaraela nyiele balua, anyin a wale e ame otilö u ka than, he ka ânyâ wisa me ûnyi ae ûcû.

¹⁰ Ke e ume hûn ka than gol a wan haded ke twente je talan, me je utö ae bo so ae ti gan, me je veto ae ûnyi hnathu: adre me ca oâ hmetu bi je utö ae bo so ae ti gan helâ me hna ham hnen momo than Sheba kö Solomona than.

¹¹ Ke haba je hu minya hu Hirama ödrin e hom gol ûheny Ofera ödrin e hom je ûö alemuga ae se hia, me je veto ae unyi hnathu.

¹² Ke haba than ame tibet je ci ge je ûö alemuga hnyi uma umo Iehova me uma umen than, me hnân je kitara, me je nabeli, hobi kâu tavat khumung: adre ca hom je ûö alemuga a helâe, ke adre me ca wâ hmetu bi ke ne o but hnyi bong ang.

¹³ Ke Solomona ame ham ka momo than Sheba ta je ûnyi hia ae weny, wale a sumâtâ, ca ha bi ta je ûnyi a ka ham bi kâu Solomona. Me ame hwio bi momo me he ka hnyi iny hnyei, a e me lathnyabainy.

¹⁴ Ke haba ihmakiny gol adre me oâ kö Solomona hnyi huna a khaca, me, siks haded ke sikste siks je talan gol,

¹⁵ ke ca ha bi gol ûnyi ge tavat ûcû, me tavat ûcû tot, me je thaniny Arabia, me tavat muso hnyei.

¹⁶ Ke Solomona than ame ânyâ je uthat ae lau a tu haded, gol adre kokot: ke ûsa siks haded je sekel gol hnyi uthat a khaca.

¹⁷ Me theri haded je bec gol adre kokot; ke ûsa kun ta mina gol hnyi bec a khaca: me than ame ip ta je ûnyi e hnyin uma ûtoiny Lebanona.

¹⁸ Ke than ame ânyâ theron ae gan, a nyon elefan, me tube ge gol ae ti so.

¹⁹ Ke e hu hnân ölö ka hnyi theron siks ta deo hna okca, ke wathelaba hon theron hnyi hoton, ke e hu li ci hnyi li ke keihen dok adre me tabâ hnyin theron, ke lo li liona ame tot hnyi li ci.

²⁰ Ke twelv je liona ame tot eling hnyi li ke keihen je deo hna okca a siks: ke ba ûnyi helâe adre me ânyâ hnyi je dökhu hia thithö.

²¹ Ke haba je kaia hia hnân ic beli Solomona than, me gol, ke hâhâ je kaia hia hnyi uma ûtoiny Lebanona; me gol ae so: ke ba kaia sileva; kʼ adre me ca oûnyihnatho sileva hnyi bong bongu Solomona.

²² Anyin ae hu hnyi köiö ta je hu hon than ûheny Tasesa, tha e me je hu hu Hirama: ke ame labö khop ta je huiny Tasesa hnyi je ve obiny ta hnna a kun, kʼ adre me hok gol, me sileva, me je nyon elefan, me ta je cako, me je pikâk.

²³ Ke haba Solomona than, me beönua hon ta je than hia eang hmeledrany ge omjeû me metâ.

²⁴ Me haba hmeledrany hia ame elöm Solomona, he ka long anyin metâ, wale Khong ame ip eû hnyi hnyekon.

²⁵ Ke adre me ve hom anyidrin je bwihlany, a je kaia sileva, me je kaia gol, me je ûkhaû, me je ûnyi hnân vat, me je uto ae bo so, me je hors, me je miul, adre fâtâ hnyi ke huna me ke huna.

²⁶ Ke Solomona ame ûkhacaköuâ je kariota, me tavat tabö hors; me e hu gan bi wan thauzan ke foa haded je kariota, ke twelv thauzan tavat tabö hors, wale e ame khene ödrin ka hnyi je tauniny kariota, me Jerusalema unyin than.

²⁷ Ke haba than ame osehia sileva hnyi Jerusalema me me helâ me je veto, ke e ame osehia minya je arasi me me helâ me je ûö sukamore, wale ûnyi je hnyei ae hnyikânâ.

²⁸ Ke haba je hors hale Solomona, me adre hom ûheny Aigupito; ke haba tavat ûcû hobi kâu than me ödrin e kap je deo hors, ke deo hors ge ke hwaban.

²⁹ Ke ame o but me he ûheny Aigupito ke kariota hwaban siks haded je sekel sileva, me wan haded ke fifte je sekel hwaban horse; ke ödrin e hom helâe hobi kâu je thaniny at Heth me Suria.