I. Ioane 4 - Iaai Bible 1901 (New Caledonia)

¹ HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

² Hnen ûnyi ang öbun e wâhmakhmetoâ Hanon Khong: haba ta je hanu hia adre me ha, ka habe, a o but Iesu Keriso hnyi unyin, me wale hanu ûnyi ge Khong:

³ ke haba ta je hanu adre me ca haiö Iesu, me ca ûnyi bi ge Khong ödra: ke wale hanon iwahnaihmiony me Keriso, waleji öbun e löng a gʼ ame he ka o; ke e bi walang ang hnyi hmeledrany.

⁴ Je wanakat lö, ûnyi ge Khong öbun, ke öbun hwege hudrin: anyin ae beönua at eû hnyi je hnyekubun, hon at eû hnyi hmeledrany.

⁵ Odra lahanen hmeledrany, anyin a wale adre me hwen hmeledrany, ke ame ling ödra hnen hmeledrany:

⁶ Öhmun tavat ûnyi ge Khong: ke ame ling öhmun hnen at ame wâhmakhmeto Khong; ke ame ca ling öhmun hnen at a ca ûnyi ge Khong. Hnen ûnyi e ate me wâhmakhmeto hanu ae hnathu, me hanu ae monu.

⁷ Hnyat a oûnykûmik lö, e so ate me he ka ibetengiököu: anyin a ûnyi ge Khong ibetengiö; ke adre hnoko ûnyi ge Khong ödra hia adre me hnyi betenge, ke adre me wâhmakhmeto Khong.

⁸ Haba at ame et hnyi betenge bi, me ca khana bi e hnen Khong; anyin a Khong ibetengiö.

⁹ Adre hia but omanenâ köta ibetengiö anyin Khong, waleji hnyi hnen Khong hna kunâ ka hnyi hmeledrany Nokon a khaca, mʼ ate me he ka möt ûnyi gan.

¹⁰ Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.

¹¹ Hnyat a oûnykûmik lö, a ne betenge gata Khong helâe, hamöta he ka ibetengiököu.

¹² E ba bala at ame wâ Khong: ate ne ibetengiököu, me Khong ame laba eû hnyi je hnyekuta, ke adre obekhotâ anyita ibetengiö kâu eû hnyita;

¹³ ke e khanʼ öta a ate me laba eû hnyin hnyekon, ke e bi eû hnyi je hnyekuta, anyin a e ame ham köla Hanon.

¹⁴ Ke öhmun e hia but wâ me ohnatho, a ga kunâ Nokon hnen Kamen he ka omelö hmeledrany.

¹⁵ Haba at ame he ka ha, ka habe, Iesu Nokon Khong, me Khong ame laba eû hnyin, ke e bi eû hnyi hnyekon.

¹⁶ Ke ate me wâ me labagejoâ ibetengiö anyin Kong köta. Haba Khong, me ibetengiö; ke haba at ame laba hnyi ibetengiö, me ame laba hnyi hnyekon Khong, ke Khong eû hnyi hnyin.

¹⁷ Hnen thibi ang adre me obekhotâ ibetengiö unyita, mʼ ate me he ka hu hnyok ae hwege hnyi bong owisa: anyin a öta tha ûcû më eang hmeledrany.

¹⁸ E ba ot hnyi ibetengiö: kʼ ame obâ degecâ ot hnen ibetengiö ae bekhöt, anyin ae tren vec ot; kʼ adre ca obekhotâ at ame ot, hnyi ibetengiö.

¹⁹ Ate me betenge, anyin a e ame bân ka betenge gata.

²⁰ E ka ha hnen ke at, ka habe, Oge me hnyokâ Khong, kʼ ame hûkotiâ liamekeiny më, me at thoi bi: anyin a haba at ame ca betenge ka liamekeiny më, ame wâ, me ca khana he ka hnyokâ Khong, ame ca wâ.

²¹ Ke walang hnanyibu ae hu gata ûnyi gan, a baba at ame hnyokâ Khong, me ame he ka betenge minya ge liamekeiny mē.