I. Ioane 2 - Iaai Bible 1901 (New Caledonia)

¹ JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa:

² ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

³ Ke walang haten a ga khanʼ öta e, ka habe, ate ne löng hoton anyin hnanyibu.

⁴ Haba at ame ha, ka habe, e khanö nya but e, kʼ ame ca löng bi hoton anyin ta je hnanyibu, awe, e ame thoi, ke ca e bi eû hnyi hnyekon hnathu:

⁵ ke haba at ame löng hoton hwan hofuc, me hnathu adre hia but obekhotâ eû hnyin at e hnyok ka Khong. Waleling me me khanʼ öta a öta but eû hnyi hnyekon:

⁶ haba at ame ha, ka habe, e ame laba eû hnyi hnyekon, me ûcû kâu he ka he helâ me ûheny.

⁷ Hnyat a oûnykûmik lö, oge me ca sihnalimen köbun hnanyibu a teb ûnyi, ke so bi hnanyibu adrem, waleji öbun e hu ûnyi hnyi can: haba hnanyibu adrem, me waleji hofuc öbun e löng.

⁸ Wale hmetu ang, inya oge me set köbun hnanyibu a teb ûnyi, wale ae hnathu gan me gabun; anyin ame hia tot menekholom, ke ame umumelam walang ang melam ae hnathu.

⁹ Haba at ame ha, ka habe, e but hnyi melam, ke ame hûkotiâ bi liamekeiny më, awe, e bala bi hnyi lit ke ne o but walang ang.

¹⁰ Haba at ame betenge ka liamekeiny më, e but hnyi melam, ke ba ûnyi hnân othoâ gan.

¹¹ Ke haba at ame hûkotiâ liamekeiny më, e bala hnyi lit, kʼ ame he hnyi lit, ke ca khana hnen hna he ka hnyin, anyin ame owadruâ li emakan hnen lit.

¹² Inya oge me set köbun je wanakat, anyin adre hna degecâ anyibun ta je hulo ûnyi hnyi ien.

¹³ Inya oge me set köbun je kamen anyin ae khanʼ öbun e, waleji ûnyi hnyi can. Inya oge me set köbun wahidröu, anyin a öbun e hwege hon at ae kong. Oge hia but set köbun je wanakat, anyin ae khanʼ öbun Kamen.

¹⁴ Oge hia but set köbun je kamen, anyin ae khanʼ öbun at, waleji ûnyi hnyi can. Oge hia but set köbun wahidröu, anyin a öbun hwege, kʼ ame tethmâ eû hnyibun hofuc hwan Khong, ke öbun e tubun hon at ae kong.

¹⁵ Ca he öbun ka hnyokâ hmeledrany, me ta je ûnyi eang hmeledrany. A ne ke at ame hnyokâ hmeledrany, me ba bi hnyok ka Kamen eû hnyi hnyekon.

¹⁶ Anyin a haba ta je ûnyi hia thithö eang hmeledrany, wale behnyekon ta je ûnyi hnyi unyin, ke behnyekon hnen li ecmak, ke hobeluâ monoâ möt ang, me ca ûnyi ge Kamen, ke ûnyi eang hmeledrany.

¹⁷ Ke haba hmeledrany, me ame be bi ka hia, me ta ge weny ka hnyin: ke ame he ka tethmâ, nyiele balua at ame mâdrâ weny Khong.

¹⁸ Je wanakat lö, haba awa ang, me obiny: ke helâ me hnobun hna löng a gʼ ame he ka o iwahnaihmiony me Keriso, ke se hia je iwahnaihmiony me Keriso walang ang; waleling me manen köta a haba awa ang, me obiny.

¹⁹ Adre me he but unyita, ke so bi ca lahanöta ödra; anyin adre ne je lahanöta, me adre me ne hia but tethmâ unyita: ke adre me he but, me me manen dut a ca je lahanöta ödra hia.

²⁰ Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

²¹ Oge me ca sihnalimen köbun anyin ae ca khanʼ öbun ûnyi ae hnathu, ke so bi, anyin ae khanʼ öbun e, ke anyin ame ca o thoi ûnyi hnyi hnathu.

²² Ewa at thoi, ca e at ame ha, ka habe, ca Keriso bi Iesu? Haba at ame ivinoâ Kamen me Nokon, me wale iwahnaihmiony me Keriso.

²³ Haba at ame ivinoâ Nokon, me hia but Kamen unyin: ke haba at ame haimemenâ Nokon, me e but unyin minya Kamen.

²⁴ Ke haba öbun, me so ame laba bala eû hnyi je hnyekubun hofuc öbun e löng hnyi can. Ame ne he ka e bala eû hnyi je hnyekubun hofuc öbun e löng ûnyi hnyi can, me öbun e he ka laba balua bi unyin Nokon me unyin Kamen.

²⁵ Ke walang hna ha bânâ waleji e ame ha bânâ köta, möt ame ca ba balua.

²⁶ Oge hia but sihnalimen ta je ûnyi e köbun ge tavat adre beomonu öbun.

²⁷ Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.

²⁸ Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.

²⁹ A ne khanʼ öbun a e at ae wisa, awe, e khanʼ öbun minya a gʼ adre hnoko ûnyi gan tavat hia adre me ânyâ hwakecin ae wisa.