I. Ioane 1 - Iaai Bible 1901 (New Caledonia)

¹ HABA ûnyi ae ûnyi hnyi can waleji öhmun e löng me wâ ge je emaköhmun, me wâ hmâ, me kâlâ ge je hnyamöhmun, hnyi Hofucin Möt

² (ke a manen dut möt, kʼ öhmun e hia but wâ me ohnathoâ, me thumetu öbun ge möt a nyiele balua bi, waleji ae unyin Kamen, kʼ adre me omanenâ kohmun):

³ ke öhmun e omanenâ köbun ûnyi öhmun e wâ me löng, mʼ öbun e he ka tha laba mʼ öhmun: eke, ke öhmun e tha laba me Kamen me Nokon a Iesu Keriso;

⁴ ke öhmun e sihnalimen ta je ûnyi ang, me me hwâdâ but anyita senyin.

⁵ Ke walang ûthumetu öhmun e hia but löng ûnyi gan, me haimemenâ köbun, ka habe, Khong thibi melam, ke ba ju ke ong lit unyin.

⁶ Ate ne ha, ka habe, otin e tha laba më, kʼ ate me vheno bi hnyi lit, awe, ate me thoi, kʼ ate me ca ânyâ hnathu:

⁷ ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

⁸ Ate me ne ha, ka habe, e ba anyita hulo, awe, ate me ka iyâwʼ öta, ke ba hnathu unyita.

⁹ Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.

¹⁰ Ate me ne ha, ka habe, ate me ca hia but hnyi ânyâ hulo, awe, ate me wia e me at thoi bi, ke haba hwan hofuc, me ca eû hnyi je hnyekuta.