Isaia 62 - Iaai Bible 1901 (New Caledonia)

¹ HABA can bi ge Ziona, me oge me ca he ka laba hnyibû, ke can bi ge Jerusalema, me oge me ca he bi ka menâ, ke ne o but ame o but hwakecin ae wisa helâ me lany, me anyin ûhomeli helâ me okûnû ae umumelam.

² Ke ame he je hnyei ka wâ hwakecâm ae wisa, kʼ ame he ta je than hia ka wâ ânyâm hmanenang: ke adre me he bi ka hwenyö ke iâm bi ae teb ûnyi ame he hnyimö Iehova he ka ha.

³ Ke u me he ka hnân korona ae mec hnyi hnyamö Iehova, ke hnân hnabinybak anyin than hnyi hnyamen Khongom.

⁴ Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

⁵ Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

⁶ Jerusalem lö, o ge hia but ip tavat tue hon hagâm je hak; adre me ca he bala bi ka hum hnyi je lany me lit hia: öbun tavat öbun e ûnykûmi Iehova, ca he bi ka menâ,

⁷ ke ca hna but kâu he ka menâ, ke ne o but e ame otilâ, me ke ne o but e ame wia Jerusalema hnân ogânâ hnyi hmeledrany.

⁸ A hia but Iehova khemanyin ge hnyamen a metân, me benyin ae hwege, ka habe, E hnathu oge me ca he hmetu ka hna ânyâm hwit hnân an je iwahnaihmiony möu; ke ame ca he je atkanyua ka ijem ânyâm waina waleji u je huliwan:

⁹ ke ame he tavat adre hip e ka han, me oganö Iehova; ke ame he tavat adre ûkhöûnâ e ka ijem e hnyi je hnyeuleny anyik dok ae kap.

¹⁰ Didro, didro hnyi je homagöule; penapena thö deny tavat; op dö goranyai, op dö goranyai hna cit gethen; hlo thö je veto; ogöranyâ thö boûdila hobi kâu ta je hnyei.

¹¹ Wâ bi, Iehova ame hia but ha ka je can hmeledrany, ka habe, Ha thö ka hluiny Ziona, ka habe, Wâ bi, ame o but ânyâm ûhomeli; wâ bi, e unyin hwaban, ke e bi hnyi hnyimakan hwaban anyin huliwa.

¹² Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.