Isaia 58 - Iaai Bible 1901 (New Caledonia)

¹ HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

² Ke adre me elom nya hnyi je bong, kʼ adre me senyin he ka khanʼ ödra dek je gethen: helâ me hnyei ame ânyâ wisa, me ca hna degecâ je hna otilâ hnen Khongudrin, helâe adre me hnei nya ge hna owisa ae ûcû, adre me senyin he ka hakekeny ka Khong.

³ Haingodra, ka habe, Anyin a ieû öhmun e ânyâ ca ban ke u me ca wâ bi? anyin a ieû öhmun e ovecâ ta je hanuhmun, ke u me ca wâhmakhmeto? Wâ bi, hnyi bonginy anyibun ca han, öbun e hnu webun, ke hwege hûna troban anyibun je huliwa.

⁴ Wâ bi, öbun e ânyâ ca han mʼ öbun e he ka iwatretra me ivino, me ûkhulup ge hnyam adre vhec a hulo: kʼ öbun e ca ânyâ ca han hnyi bong ang mʼ adre me long ethö ifucibun.

⁵ Hawa, oge me ûca ca han a helâe? ke hawa, bong ang me bonginy ovecâ hnyekon at? he ka nyingö ban helâ me saamun, ke bi hnen hna mokut mano ae gan nân me hnabadröu? hawa, u me he ka ha e me ûen ca han bi, ke bong ae so kö Iehova?

⁶ Hawa, ca walang bi ca han oge me wek? a gʼ adre me he ka hna baûâ at adre me ca monoâ, ke thang je toiny ûnyi hnân ûhûkâlâköuâ, ke hna baûâ tavat adre me oveci ödra, ke, thamuâ je hna ûhûkâlâköuâ hia thithö.

⁷ Hawa, ca e bi minya, he ka khenâ âm je jeû ka at ae mekihnânem, ke u me he ka hom tavat ae theduoc adre me obâ but ka hnyi hnyabam? ke u ka wâ at ame he thu mʼ u me he ka okhavâ e; ke u me ca he bi ka lubaduöng ge je liamekeiny möu.

⁸ Me ame he ka o melamâm helâ me haolany, ke u me he ka ie so; ke ame he ka he hwakecâm ae wisa hnyi hnyimâkâm; ke ame he hmanenangi Iehova ka he hnyi hotom.

⁹ Me u me he ka hongot, kʼ ame he Iehova ka ieû; u me he ka khöû, ke e ame he ka ha, ka haba, Inya ang. U je ne hom but ûnyi gam hna ûhûkâlâköuâ, me kû ge banyen, me ûhnenamö monu;

¹⁰ ke u je ne betenge ge at ae mekihnânem, me osekonâ at adre ovecâ; awe, ame he ka o melamâm hnyi menekholom, ke ame he anyâm lit ka helâ me jebigo:

¹¹ ke ame he bala bi Iehova ka su u, me osekuni u hnyi je dok ae atgec, me ohwegiâ je jeien unyâm; ke u me he ka helâ me hna belök adre hû, ke helâ me an ame ca hme bi köien.

¹² Ke ame he ke je lahanâm ka op je dok ae ba wan kâû adrem: u me he ka otilâ je taben ta je dö ae se hia; ke adre me he ka hwenyi iâm, At ame op hmetu dok ae hmouca, me at ame ânyâwia je gethen mʼ adre me laba hnyin.

¹³ U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

¹⁴ awe, u me he ka senyin kö Iehova; ke oge me he ka hum u, mʼ u me tabâ je dok ae göranyin hmeledrany; ke oge me he ka hâm ûnyi hnyi hnyei i Jekob a kâmâm: anyin a hia but ha hnen hnyimö Iehova.