Isaia 52 - Iaai Bible 1901 (New Caledonia)

¹ HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

² Jijingö u but ûnyi hnyi sesâ; Jerusalema lö, todrö, laba thö: thang ut hna ca nyem hluiny Ziona at a bâ.

³ Anyin a walang hna ha hnö Iehova, ka habe, adre ûcû öbun ke ûnyi baû bi; ke adre me he ka ûcû öbun hmetu ke ca bi hwaban bi ge mone.

⁴ Anyin a walang hna ha hnen Than Iehova, ka habe, Haba lakeik a bân adre me he Aigupito ai he ka laba eling: ke haba tavat Asuria adre me oveci ödra ke ba can.

⁵ Ke walang ang, haingö Iehova, oge ma ânyâ ieû eang, anyin adre hom bâûâ lakeik? ame kuku tavat adre me musi ödra, haingö Iehova, ke adre me haikongoâ iök hnyi je bong hia thibut.

⁶ Anyin a wale, ame he lakeik ka khanʼ ödra iök: anyin a wale, ame he ka khanʼ ödra hnyi bong eling a inya at ame ha; wâ bi inya.

⁷ E so hmonyin hon je bucen li can at ame hom ûthumetu ae so, at ame haimemenâ ûsoköu, at ame hom ûthumetu ae kese, at ame haimemenâ ûhomeli; at ame ha kö Ziona, ka habe, Ame musi Khongom!

⁸ Ifucin tavat tue unyâm! adre me hongot goranyai, adre me tha khumöng; anyin adre me he ka wâ, me iohnyimaköu, hnyi hnö Iehova hna ohmetu Ziona.

⁹ Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

¹⁰ A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

¹¹ He thö, he thʼ öbun, he but ûhebun e, ca kâlâ bi ûnyi ae ikiki; he but ûnyi hnyi hnyin e; e so e kalaöt ut öbun, tavat öbun e kap tilâ je kaia anyi Iehova.

¹² Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

¹³ Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

¹⁴ Ödra se hia adre me uthmâhmâ gam, (adre okongoâ gan hmâ hnyimakan hon hnyimakan tavat hia, ke unyin, hon unyin tavat,)

¹⁵ helâe e ame he ka dukâiâ je hnyei ae se hia; ame he ta je than ka laba hum gan: anyin adre me he ka wâ ûnyi adre me tiga ca thumetu ödra gan; ke adre me he ka wâ ûnykûme ûnyi adre me tiga ca long.