Isaia 48 - Iaai Bible 1901 (New Caledonia)

¹ LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

² Anyin a adre me ka hawʼ ödra a hanen taun ae kap, ke adre me ka laba kece ka Khongu Isaraela; Iehova tuhan sabaoth ien.

³ Oge me bok ka ha ta je hofuc kâû adrem: eke, ame he but ûnyi hnyi hnyimök, me oge me omanenâ: oge me ie ânyâ, me adre me ohwâdâ bi.

⁴ E khanö nya a u at ûjöng, ke toiny fao nyem, ke bras barem;

⁵ anyin a wale, oge hia but haimemenâ e köu ûnyi adrem; oge me omanenâ köu ke tiga ca hwâdâ but: wâ u nye he ka ha, ka habe, Hnen anyik idola hna ânyâ, ke hnen anyik hnatheat, ke anyik hnatheat adre me okoiâ hna hûna kodra.

⁶ U je hia but long; wâ ju ta je ûnyi hia e; ke hawa gabun, öbun e ca he bi ka haimemenâ e? hwân hnyi ûen ang oge hia but omanenâ köu ta je ûnyi ae teb ûnyi, waleji ta je ûnyi ae iyong, ae ca khanö u.

⁷ Adre op ta je ûnyi e walang ang, ke ca ehac; ke e hia bong ang u je ca long ta je ûnyi e; wâ u nye ha, ka habe, Wâ bi, e khanö nya ta je ûnyi e.

⁸ Eke, u je ca long; eke, e ca khatö u, eke, adre ca khong li hnyikönyâm hwân ehac: anyin ae khanö nya a u at iyawo gan hmâ, ke u at hanyâûâ hwân hnyi hnyekon hinyâm.

⁹ Can iök bi, oge me he ka obecâ anyik hmonyin, ke can hna oganö nya oge me he ka hokhnyok gam, mʼ o ge me ca he ka subâ degeci u.

¹⁰ Wâ bi, oge hia but cubic u, ke ca helâ me sileva; oge ûco u hnyi hna meicin seda.

¹¹ Gak, gak bi, oge me he ka ûnyâ e; anyin a ieû adre me he ka haikongoâ iök î ke oge me ca he ka ham anyik hmanenang ka ke at.

¹² Ling nya ju Jekob me Isaraela waleji oge ûca: inya thibi; inya ang at a bân, ke inya minya ang at a biliny.

¹³ Eke, hnen hnyamok hna bi taben hmeledrany, ke hnen hnyamok a metök hna ulolo je drany: oge me hawâ ta je ûnyi e, me adre me tha tot.

¹⁴ Ûkhacaköu thʼ öbun hia thithö me long; ie at gadra ame haimemenâ ta je ûnyi e? Iehova ame betenge gan, e ame he ka ânyâ weny ka Babulona, ke ame he benyin ka e hon at Kaledaia.

¹⁵ Inya, inya at ame ha; eke, oge hia but hawâ e: oge hia but hom e, ke e ame bi sot hnyi deny bi gethen.

¹⁶ Hok ju jem könya, long ju ang; oge ca fuc hnyi dok ae iyong hwân hnyi can; hnyi ûen eji, inya ling: ke walang ang Iehova Than ame kunö nya, me hanon.

¹⁷ Walang hna ha hnö Iehova at ame ûcû melâm, Kabi Isaraela: Inya Iehova Khongom, at ame nö u he ka hu troban, at ame su u hnyi gethen u me be ka vheno.

¹⁸ Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

¹⁹ ke helâ me öny ta je mâtrânâm, ke haba wan hnyekom me helâ me ûseiny je waöny: adre me ca he ka subâ degecâ me ohia ien hnyi hnyimakök.

²⁰ He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

²¹ Ke adre me ca beic hnyi ûen e ame su ödra hnyi hnyebuba: e ame oi köiö ûnyi hnyi kic hobi kodra: kʼ ame so kic me ame patrutrua but köiö.

²² Haingö Iehova, ka habe, E ba hnahic ge tavat ae kong.