Isaia 42 - Iaai Bible 1901 (New Caledonia)

¹ WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

² E ame ca he ka ha hwegiâ, me fuc goranyai, kʼ ame ca he ka olöngâ ifucin eû hnyi gethen.

³ E ame ca he ka thu hlowe ame hmetru, ke ame ca he bi ka ume wakunenu ame ven: e ame he ka oâ hna owisa hoton hnathu.

⁴ E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

⁵ Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

⁶ haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

⁷ he ka obwela je ecmak ae wadröu, he ka hom but at adre me ca ûnyi hnyi uma ceat, ke tavat adre me laba hnyi menekholom ûnyi hnyi dok adre cö ʼdra hnyin.

⁸ Inya Iehova, wale iök: ke oge me ca he ka ham anyik hmanenang ka ke at, ke hna oganö nya bi ka ta je idola.

⁹ Wa bi, a hwâdâ thö ta je ûnyi a bân, ke inya oge me omanenâ ta je ûnyi ae teb ûnyi: ke oge me bok ka omanenâ köbun, ke tiga ca kû ta je ûnyi e.

¹⁰ Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

¹¹ E so ame fuc goranyai hnyebuba me je tauniny, a je taun ae ûhnyûkong ame labā at Kedara; e so ame khumöng tavat a aten Sela, e so adre me he ka hongot ethö hon bucen.

¹² E so adre me he ka hna hmanenang kö Iehova, me omanenâ hna ogânâ e hnyi je bomene.

¹³ Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

¹⁴ E beû but hnok hna laba hnyibu; oge hia but laba wia me hokhnyokâ: ke walang ang oge me he ka kuku helâ me momo ame hnokoâ; oge me he ka mâng me momokhon.

¹⁵ Oge me he ka oba wan je bucen me je hut, ke omeleca anyidra ta je khölak; ke oge me he ka wia ta je wagewe me me je bomene bi, ke oge me he ka ohmö je an.

¹⁶ Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

¹⁷ Ke adre me he ka ohmetu ödra, mʼ adre me he ka hmehma, tavat adre me labageju ka ta je idola, tavat adre me ha ka je hnatheat adre okoiâ, ka habe, Öbun je khonguhmun.

¹⁸ Long ju, öbun ta je wejiji; bwela but, me me wâ thö, öbun ta je wadröu.

¹⁹ Ie wadröu, wale athnyabaik? me ie wejiji helâ me anyik ûthumetu oge me kunâ? ie wadröu helâ ma at ame ûsoköu mönya? ke wadröu helâ me athnyabai Iehova?

²⁰ E se hia ta je ûnyi u je wâ, me ca vheno bi; adre khong ut li hnyikonyen, ke e ame ca long bi.

²¹ Ame so kö Iehova hnyi anyin hwakecin ae wisa, he ka ogânâ hnanyibu, me ohmanenangâ e.

²² Ke hnyei adre hûgûnâ me söh hnyei ang; ke adre nuc ödra hia thithö hnyi je thop, ke adre ikhölʼ ödra hnyi je uma ceat: ödra a tavat hnân hûgûnâ, ke ba at ame tubi ödra; me hnân söh, ke ba at ame ha, ka habe, Ham hmetu but.

²³ Ia gabun ame he ka tevehlöng ûnyi ang? me tä hnyikonyen npe long hobi kâu nyiele?

²⁴ Ia hnö Jekob mʼ adre me söh, me Isaraela ka tavat venöu? hawa, ca hnö Iehova? waleji at ate me ânyâ hulo kâu, ke adre me höcö he ka vheno deny je gethen, ke khaca adre me ca long bi anyin ta je hnanyibu.

²⁵ Anyin a wale e ame hingâlâ hudra ûganiny anyin hmonyin, me ihwegien anyin vat; ke e ame vâc e igigilo e, ke e ca khana bi; ke ame hiâ e, ke e ame ca ûnykûme bi.