Isaia 37 - Iaai Bible 1901 (New Caledonia)

¹ KE a long ut Hezekia than me e ame kia anyin je ûkhaû, me khavi ecmano ae gan nân, me dit ka hnyi uma umo Iehova.

² Ke e ame kunö Eliakima at ame muso hnyaba, me Sebena at sihnalimen, me wahingat a tavat bi hut, adre ve khavâ ecmano ae gan nân, kö Isaia perofeta nöku Amosa.

³ Ke ödrin e ha kâu, ka habe, Walang hna ha hnö Hezekia, ka habe, Bonginy vec, me û, me ûhaikonguny bong ang: anyin a ûen a o ta je wanakat, ke ba at ae hwege he ka hnokoâ.

⁴ Ame ne he ka long ut la Iehova Khongom hofuc ho Rabesake, waleji a kuni hnen than Asuria a tuhan he ka haikongoâ Khong ae möt, ke e ame he ka thawâ hofuc ame long Iehova Khongom: anyin a wale hic dö hobi kâu ta je kolon.

⁵ Me ame o lathnyabai Hezekia kö Isaia.

⁶ Ke ame ha Isaia ködrin, ka habe, Öbun e he ka ha helâng ka tuhöbun, ka habe, Walang hofuc ho Iehova, ka habe, Ca he ka outen hofuc u je long, waleji hnen athnyabainy than Asuria hna haikongu nya.

⁷ Wâ bi, oge me he ka ip ke hanu eû hnyi hnyekon, me e ame he ka long ûthumetu me hmetu ka hnyi iny hnyei; ke oge me he ka öta e ge hele vat hnyi iny hnyei bi.

⁸ Me ame hmetu but Rabesake, me wâ a gʼ ame vat than Asuria me Libena: anyin a e ame long a gʼ ame he but ûheny Lakisa.

⁹ Ke e ame long bongu Tiraka than Aithiope, ka habe, E but ang ame he ka vat möu. Ke a long ut e, me e ame kunâ jo ûthumetu kö Hezekia he ka ha, ka habe,

¹⁰ Walang hofuc öbun e he ka ha ko Hezekia than Juda, ka habe, Ca he ka iyawo u bi hnen Khongom wale u je labageju kâu me ha, ka habe, Adre me ca he ka hna Jerusalema ka hnyi hnyamen than Asuria.

¹¹ Wâ bi u je long ut hna ânyâ hnen than Asuria ka ta je hnyei hia, a gʼ adre ti ohia bi: ke adre me kâmâu ka omeli u.

¹² Hawa, a hia but je khongon je hnyei omeli ödra waleji a ohia hnen lakamök, waleji Gozana, me Karan, me Rezef, me laku Edena hnyi Thalasa?

¹³ Ke ewa tuhan Hamath, ke tuhan Arepada, ke tuhan taun Sefaravaima, ke Hena, ke Iva?

¹⁴ Ke haba Hezekia ame kap tusi ûnyi hnyi hnyamen je ûthumetu me ame aû: me Hezekia ame he ka hnyi uma umo Iehova, me e ame ulolo e hnyi hnyimakö Iehova.

¹⁵ Ke haba Hezekia ame hic kö Iehova, me ha, ka habe,

¹⁶ Iehova tuhan sabaoth lö, Khongu Isaraela, ke at ame laba wanben li kerubi, u thibi Khong, a hake u ke, hnyi ta je dokhu hia eang hmeledrany; u je op drany me hmeledrany.

¹⁷ Iehova lö, tä ju hnyikönyâm me long; Iehova lö, hmak dö me wâ; me long ju hofuc ho Saneribi, wale e ame ûkhûnöng he ka haikongoâ Khong ae möt.

¹⁸ Iehova lö, e hnathu, hnen je than Asuria hna öba wan je hnyei me je idrin,

¹⁹ me adre hia but khûâ je khongudrin ka hnyi meic: anyin a ödrin ca je khong bi, ke so bi huliwa anyin je hnyamen at, kʼ ödrin uto me veto bi; anyin a wale adre ohiʼ ödrin.

²⁰ Iehova lö, Khonguhmun, walang ang ö u omeli öhmun dö ûnyi gan, me me khana hnen je dokhu hia eang hmeledrany a u thibi Iehova, a hake u ke.

²¹ Me haba Isaia nöku Amosa ame ûkhûnöng kö Hezekia me ha, ka habe, Walang hna ha hnö Iehova Khongu Isaraela ka habe, U je hic könya ga Saneribi than Asuria,

²² awe, walang hofuc ho Iehova ame ha gan, ka habe, A hûkötiö u me hlumö u hnen hlu wale hlu Ziona; ke ame nyinyikâ ban gam hnen hlu Jerusalema.

²³ U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

²⁴ U je hia but haikongoâ Than a deny je athnyabaem, me ha, ka habe, O ge ölö hon je bucen hnyi ke keihen Lebanona tha inya me anyik ta je kariota ae se hia; ke oge me he ka sö but ta je arasiny ae beû goranyai me je kopiny adre ûca: ke oge me he ka o ka hnyi dok a göranyin, hnyi hnyeuten adre belökâ.

²⁵ Oge hia but khû an, ke haba li hnyeûcak ame ohmö je wageweiny hia Aigupito.

²⁶ Hawa, u je ca long a oge ânyâ e kâû adrem, ke oge mâdrâ e hnyi je bong a bân? walang ang oge hia but ohwâdâ mu me he ka öba je taun adre up haginy me me je ve ta ûnyi.

²⁷ Anyin a wale e ûhnyûkong maniny tavat adre me labā e, ke ödra ot me ame gâudrin; ödra ûcû me hna önying, me ûö ae ometu ae hât, me hna önying hon ban uma, ke helâ me hnyei hwit ae tiga ca metu.

²⁸ Ke oge wâ but hnâm hna laba, me hnam hna didrut, me didro, me hnâm hna hmonyin könya.

²⁹ Can hnâm hna hmonyin könya, ke ame o but ka hnyi li hnyikönyök hnâm hna bi gan könya, me oge me he bi nya ka inâ anyik otru hnyi hnyingoiâm, me anyik fao hnyi li esongodâm, ke oge me he ka ohmetu u hnyi gethen u je o hnyin.

³⁰ Ke walang ame he ka haten köu: öbun e he ka han ûnyi ame kû hwege hnyi huna ang, ke haba hnyi huna a loiny öbun e he ka han ûnyi ame kû hwaban e; ke haba hnyi huna a kuniny, me öbun e he ka belök me menu, me tä je hnyei vine me ijem je wan.

³¹ Ke haba je kolon lap anyi Juda, tavat ae möt, adre me he ka kû hmetu eû, me wa goranyai

³² Anyin ame he ka he ûheny Jerusalema ta je kolon, kʼ ame he ka he ûnyi hnyi bucen Ziona tavat adre me he ka möt: ame he ka ânyâ e ge weny ae gan ga Iehova tuhan sabaoth.

³³ Anyin a wale, walang hna ha hnö Iehova ge than Asuria, ka habe, E ame ca he ka o ka hnyi taun ang, me hlic fana hnyin, ke e ame ca he ka hom bec me tot hnyi hnyimakan e, me otilâ taben kânâ cicö e.

³⁴ E ame he ka hmetu hnyi gethen a o hnyin, kʼ ame ca he ka o ka hnyi taun ang, ame ha Iehova.

³⁵ Anyin a oge me he ka tuö taun ang me omelo e gak bi, me ga Davita athnyabaik.

³⁶ Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

³⁷ Me ame todrö Saneribi than Asuria me he, me laba hnyi Nineve.

³⁸ Ke e ame hic hnyi uma umo Niseroka a khongon, me ame kot e ge hele vat hnen li lakon jia Aderamelek me Sarezera: ke ödru me kec ka hnyi hnyei Ararata. Ke ame than biju Esar-adon a nokon hwaban.