Isaia 35 - Iaai Bible 1901 (New Caledonia)

¹ AME he hnyebuba me dok ae atgec ka senyin; kʼ ame he hnyot ka hobâ me vhong helâ me obedila.

² E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

³ Ohwegiâ je hnyam ame him, ke ohwegiâ je bouca ae mat.

⁴ Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

⁵ Me ame he ka obwela je emakan tavat a ödra wadröu, me khong je hnyikonyen tavat ae wejiji.

⁶ Me ame he ka gâ tavat ae kong cadra helâ me aila, kʼ ame he bi ka khumöng bohmen at ae hum: anyin ame he ka patrutrua köiö hnyi hnyebuba, me je wagewe hnyi dok ae hnyei baga.

⁷ Ke ame he kânâ a öny ka wia me me an, ke dok ae atgec ame he ka wia me me pupuainy köiö: hnyi uma umen je luko waleji adre me mokut hnyin, ame he ka kû hnyin sa kowi me amun.

⁸ Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

⁹ Ame he ka ba liona eling, ke ame ca he ka he kâe meno ame ûhûlû, adre me ca he ka wâ e eling: ke ame he tavat adre ûcû melidra ka vheno e:

¹⁰ ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.