Isaia 33 - Iaai Bible 1901 (New Caledonia)

¹ EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

² Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

³ Ame kec ta je hnyei ge hwan imonumonun; kʼ ame vese but ta je hnyei u ka todrö.

⁴ Adre me he ka hlo hnobun ta je hna söh helâ me hna hlo hnen ihmâ: helâ me hna gâ ge ta je wahamon, adre me he ka gâ kâu.

⁵ Adre me oganö Iehova; anyin a e ame laba ethö: e ame hia but ounöngötâ Ziona ge hna owisa me hwakecin ae wisa.

⁶ Ke ame he ka hu hwakecin ae tethmâ hnyi bongom ta je bong, wale ûhomeli ae gan, me metâ me wâhmakhmeto: haba tang omjehen bi, me ot kö Iehova.

⁷ Wâ bi, ame kuku eû tavat ae hwege gadra; kʼ ame tenge hlöuhlöu ta je ûthumetuiny ûsoköu.

⁸ E ba but aten je hna cit gethen, kʼ ame ca ngenu tavat: e ame hia but thu ûhihinyköu, e ame hia but hûkotiâ je taun, e ame ca ûnykûme at.

⁹ Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

¹⁰ Ke haingö Iehova, oge me he bi nya walang ang ka tot; oge me he ka oganö nya bi walang ang; kʼ adre me he walang ang ka ogöranyi nya.

¹¹ Öbun e he ka erkinâ unen hwit, kʼ öbun e he ka hnokoâ taan thatûnyin hwit: haba homenöbun me meic hnân ön öbun bi.

¹² Ke ame he ta je hnyei ka helâ me hna inyâ veto: ke helâ me je ûö ae ûdedö adre thong.

¹³ Öbun tavat sâkâû, long ju ge hnok hna ânyâ; ke öbun tavat ae hakekeny, ogâ thö manik man.

¹⁴ Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

¹⁵ Haba at ame vheno wisa, kʼ ame ha hofuc ae wisa; ke ame hûkotiâ hwaban hna ovecâ, kʼ ame jijingâ li hnyamen be me ca kap hwaban ae hwali, kʼ ame hlöng li hnyikonyen me me ca long ge dra, kʼ ame mûko li emakan me me ca wâ hulo;

¹⁶ awe, e ame he ka laba hnyi dok ae gorany: ke hnen hna lubaduöng bi je kic a je hnabâ: adre me he ka hûn e; ame he ka tethmâ hna habelen e.

¹⁷ Ame he li emâkâm ka wâ Than hnyi anyin hmanenang: Ödru me he ka wâ hnyei ae beû hmâ hmonyin.

¹⁸ Ame he hnyekom ka ûnykûme hna ootâ: Ewa at aû ûseiny, ewa at tuluto fat? ewa at ame aû je hnabâ ae beû goranyai?

¹⁹ U ma ca he ka wâ tavat ae hwege hnyimödra, a tavat ae iyong ifucidra, u me ca long bi; ke atkanyua bohmödra, u me ca lönghmakhmeto.

²⁰ Ûnykûme thö kö Ziona taun anyita je bijeû: ame he li emâkâm ka wâ Jerusalema taun adre laba wia hnyin, uma mano adre me ca he ka hom, adre me ca he bala ka oc je faoiny, ke ba ke toiny ame he ka mou.

²¹ Anyin ame he ka e bi eling: Iehova hnyi anyin hmanenang, wale dok ae hu je wagewe ae lau me je di; ke ame ca he hnyin je galu adre me galo, ke ame ca kec eling hu ae gan.

²² Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

²³ A ok ut je toiny hom hu; e ca ûcû hnân ohmâ taben anyidra aneunya, e ca khanʼ ödra he ka ulolo hûnyû: me adre me khenâ but hna söh ae gan hmâ: ame he tavat ae kong je cadra ka hûgûnâ hna söh.

²⁴ Ke ame ca he bi ka ha hnen at ame labā e, ka habe, Iny mok: adre me he ka hna degecâ hulo anyin tavat adre me labā e.