Isaia 31 - Iaai Bible 1901 (New Caledonia)

¹ EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

² Ke so bi e metâ, ke e at ame oâ ûnyi ae kong, ke ame ca he ka ohmeto hwan je hofuc: ke e ame he ka tot metâ ka lap anyin tavat ae kong, me ka singiny tavat adre me ânyâ monu.

³ Ke ta je at thibi at Aigupito, ke ca Khong bi; ke je viny haledra je hors, ke ca je hanu bi; ke e ka he Iehova ka hai hnyamen, me ame he ka tha ta, a at ame hadruâ me at hok ûhadruo, mʼ ödru me he ka tha hia! but.

⁴ Anyin a walang hna ha hnö Iehova könya, ka habe, Ame fuc hnyinʼ liona me nak liona hon haniny adre me ne hawâ tavat tuö mamoe ae se hia ûcon, kʼ ame ca outen ifucidra, kʼ ame ca iyâû ge imediödra; ke helâe ame he Iehova tuhan sabaoth ka utut he ka vat hnyi hon bucen Ziona, ke hon hutiny eling.

⁵ Haba je meno adre me gâ, me helâe ame he Iehova tuhan sabaoth ka tuö Jerusalema; e ame he ka tuö, me hna e, kʼ ame he ka he me omelo e.

⁶ Lakon Isaraela lö, hmetu ju öbun kâu, waleji öbun e ti hna degecâ.

⁷ Anyin a hnyi bong eling adre me he ka ve degec anyidra je idola sileva, me anyidra je idola gol, waleji ame tibet je hing hnyamöbun me me hulo bi.

⁸ Me ame he at Asuria ka ta ge hele vat, ca hele vat bi anyin at; ke ame he ka an e ge hele vat, a ca hele vat anyin at: ke e ame he ka kec ge hele vat, kʼ ame he wahidröu unyin ka bi fat.

⁹ Ke ame he ka hia hnen hna kic gan can e ame ti ot bi, kʼ ame he anyin je taben ka outen boûdila, ame ha Iehova, at a anyin bi meic hnyi Ziona, ke at a anyin bi inyâ ji hnyi Jerusalema.