Isaia 26 - Iaai Bible 1901 (New Caledonia)

¹ HNYI bong eling adre me he ka sit khumöng ang hnyi hnyei Juda, ka habe, E hu but gata taun ae hwege; e ame he ka otilâ ûhomeli hnân hak me singiny.

² Khong ut je homagöule me me didro hnyei ae wisa, a at ame tuö hnathu.

³ U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

⁴ Labageju thö kö Iehova nyiele balua: anyin a haba Than Iehova, me kic nyiele balua.

⁵ Anyin a e ame hia but öüo tavat adre me laba ethö, wale taun ae gorany: e ame ohnyikânâ e, me othahonâ e me sesâ.

⁶ Kʼ adre me he ka ututo e ge ca; a je can tavat ae theduoc, a je can tavat ae ba ta ûnyi.

⁷ E wisa gethen deny tavat ae wisa: u thibi at ae wisa ke u je okhabalaûâ gethen deny tavat ae wisa.

⁸ Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

⁹ Ame weny u ge hnyekuk hnyi hnyinghet; eke, oge me he ka elelöm u ge hanuk eû hnyi hnyekuk; ke wale but ang hnyi hmeledrany hnâm je hna owisa, waleling me me he tavat adre me laba hnyi hmeledrany ka nâ hwakecin ae wisa.

¹⁰ Eja ke ne adre ne betenge ge at ae kong, me ame ca he ka nâ wisa; kʼ ame he ka ânyâ hwakecin ae hwali hnyi hnyei ae wisa, kʼ ame ca he bi ka wâ hmâ hmanenangi Iehova.

¹¹ Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

¹² Iehova lö, u me he ka otilâ ûsoköu hobi kohmun: anyin a u je hia but ânyâ hobi kohmun anyihmun ta je huliwa hia thithö.

¹³ Iehova Khonguhmun lö, adre hia but musi öhmun hnen ke je than minya; ke hake u ke thibi, mʼ öhmun e he ka ogânâ iâm.

¹⁴ Adre mokcu, adre me ca he bi ka möt; ödra ta je komok, adre me ca he ka tot hmetu: anyin a wale u je hia but senʼ ödra me ohiʼ ödra, me tha ohia hna ûnykûme gadra.

¹⁵ Iehova lö, u je hia but osehiâ hnyei, u je osehia hnyei; adre hia but oganö u: u je oc ûsâkâûöâ je hnyigöuleny hnyei hia.

¹⁶ Iehova lö, hnyi ûen vec adre hia but senö u, adre me hingâlâ hic, u ka hom ûhnyûkongu ödra.

¹⁷ Haba momo ame he ka o erkin, me ame vec ke ame kuku ge vec; helâe gahmun Iehova lö, hnyi hnyimâkâm.

¹⁸ Öhmun e helâji me erkin, öhmun e vec, me oâ thibi ang; öhmun e ca bi melen tavat; ke adre me ca kolu hi tavat adre me labā hmeledrany.

¹⁹ Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.

²⁰ Aiö u, ik hnyei, didro ka hnyi je hnyeulem, ke hlöng ju hwanuma hwabâm: ke ikhölö ju helâ me thuthubadecmak ke ne o but ame hia but hmonyin,

²¹ Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.