Isaia 25 - Iaai Bible 1901 (New Caledonia)

¹ IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

² Anyin a u je wia taun me me je hna digic thatûnyi bi; ke taun adre up haginy me me ba wan: ke uma umen je atkanyua me me ca taun hmetu bi; ke adre me ca he bala bi ka op e.

³ Anyin a wale ame he ka oganö u hnen hnyei ae hwege, ame he ka outö u hnen tauniny je hnyei ae hwege hnyimâködra.

⁴ Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

⁵ U me he ka hom ûhnyûkongo mede anyin je atkanyua, helâ me kahwa hnyi dok ae hwahwacit; adre me he ka hom ûnyûkongo khumöng anyin tavat ae hwege hnyimakodra helâ me kahwa hnyi baten hmenon ûlâ.

⁶ Ke ame he Iehova tuhan sabaoth ka ânyâ hnyi bucen ang hobi kâu ta je hnyei hia thithö bijeû ge ta je ûnyi ae pipikhenya, bijeû waina adre tha ip me kolon, ke adre ânyâwia.

⁷ Ke e ame he ka ohia hnyi bucen ang hnân tubiny at ame tube tavat hia thithö, me hnân tube, wale ame tube ta je hnyei hia thithö.

⁸ E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

⁹ Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

¹⁰ Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

¹¹ Ke e ame he ka inâ li hnyamen hnyi wanben, helâ me at ame hai ame hinobeny: ke e ame he ka ohnyikânâ anyin bigan tha e me bibihwakeoin anyin li hnyamen.

¹² Ke e ame he ka öūo hnabâ ae gorany wale hnyi hagâm hak, me hagutâ me othahonâ me kânâ, wale ka hnyi sesâ.