Isaia 15 - Iaai Bible 1901 (New Caledonia)

¹ HOK honen Moaba. Adre me söh Ara-moaba hnyi hnyinghet, kʼ adre me oûnyibaûâ e; adre me söh Kira-moaba hnyi hnyinghet, kʼ adre oûnyibaûâ e.

² Me e ame ölö ka hnyi uma kap, me Dibona, ka hnyi je dok ae gorany he ka tenge: Moaba ame kuku tenge ge Nebo, me Medeba: ame hadreû je bödra hia, kʼ adre me sö degecâ je waidra hia thithö.

³ Hnyi dedra je gethen adre me weikâ ecmano ae gan nân: ödra hia adre me kuku tenge, me tenge gan hmâ hon ban umödra je uma, ke hnyi je hnaudrâ.

⁴ Ke Hesebona ame kuku, me Eleala; kʼ adre me long hodra ke ne o but hnyi Jahaza: anyin a wale haba vat anyi Moaba adre me hongot goranyai; kʼ ame öbubuny je hnyekudra.

⁵ Ame tenge hynekuk ge Moaba; ame kec anyin je taben Zoara ai, wale Egelath-selisia: ke adre me vheno gethen ûheny Luhith me tenge tot; anyin a haba hnyi gethen ûheny Horonaim adre me hongot goranyai tenge ae imekiny.

⁶ Anyin ame he ka mada thö je aniny Nimera: anyin a meleca thö önying; e ba but hna önying ae mita, ke ba but hnyot ae hât.

⁷ Anyin a wale haba je omejeû gadrin ae gan, me ta je omjehedra adre ip, adre me he ka hom ka hnyi wageweiny garaba.

⁸ Anyin ame hia but hwan tenge he igigilo je hnyigöulen Moaba; me anyin kuku tenge ke ne o but Egelaim, me anyin kuku tenge ke ne o but Beer-elima.

⁹ Anyin a unöngötö je aniny Dimon ge dra; anyin a oge me he ka bi hanen monu kö Dimon, oge me he ka kunâ liona ka at Moaba tavat adre me kec, me je kolon hnyei.