Isaia 13 - Iaai Bible 1901 (New Caledonia)

¹ HOK honen Babulona, waleji a wâ Isaia nöku Amosa.

² Ogöranyâ thö boûdila hon bucen dok ae ba leûnen, hongot dö kodra, ûalû thö ge hnyam, mʼ adre me didro hnyi je homagouleny je than.

³ Oge hia but hûna ka anyik wakap, eke, oge hia but hawâ je atök a tavat hwege he ka ohwâdâ anyik hmonyin, a je atök adre me hobâ me bi gan.

⁴ E hu hwan tavat ae se hia hnyi je bucen helâ me tavat ae se hia hmonyin! hwan medien je dökhuiny je hnyei adre me tha ûkhacaköu! Iehova tuhan sabaoth ame oc je utbavat he ka vat.

⁵ Ûhedra hnyi hnyei ae sâkâû, ûnyi hnyi je can drany, wale Iehova, a tha e me je omjehen anyin hmonyin, he ka ohia hia hnyei.

⁶ Tenge ju öbun; anyin a e but ang bong bongu Iehova; ame he ka o helâ me hna ohia hneû Ataekhanahia.

⁷ Anyin a wale ame he ka him but ta je beny hia, kʼ ame he ka köiö but hnyekon tavat hia thithö:

⁸ adre me be ka gâ udra; kʼ ame he ka o kodra vec me hlöuhlöu; adre me he ka hmak helâ me momo ame vec hnyekon: adre me he ka ûlâiâköuâ; helâ me bâhlân meic hnyi ta je hnyimakodra.

⁹ Wâ bi, e but ang bong bongu Iehova, a hlâ thö ge wathethot me hmonyin ae kahwa; he ka oba aten hnyei, me ohia tavat ae kong hnyin e.

¹⁰ Anyin a haba ta je okhûiny drany me ta je deo okhûiny, ame ca he ka manen melamidra, ke ame ca he tehi ka oumumelamâ.

¹¹ Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

¹² Oge me he ka owakhaletâ at hon gol ae so, ke ame he ka wakhalet tavat hon goliny Ofira.

¹³ Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

¹⁴ Ke adre me he ka ve hwio ka hnyi idra ta je hnyei, me ve kec ka hnyi ta je idra, helâ me zebi adre hnu, me helâ me je mamoe ae ba at ame alen.

¹⁵ Adre me he ka dʼ ödra hia tavat adre me wâ; ke ame he ka ta ge hele vat tavat hia adre me hom.

¹⁶ Ke adre me he ka sa lakudra je mendreng hnyi hnyimakodra; ke adre me he ka söh umödra ta je uma, me okongoâ laöiödra.

¹⁷ Wâ bi, oge me he ka bwebwelâ at Madai kodra, tavat adre me ca ûnykûme sileva, ke haba gol, me adre me ca he ka senyinâ e.

¹⁸ Ke ame he anyidra je cafana ka öūo wahidröu; ke adre me ca he ka betenge ge wan hnyok; ame ca he li emaködra ka hna baûâ je wanakat.

¹⁹ Ke ame he Babulona, hmanenanginy je dokhu, me soiny mec anyin at Kaledaia, ka helâ me Sodoma me Gomora hnyi ûen Khong ame hagutʼ ödru.

²⁰ Adre me ca be bala ka laba hnyin, kʼ adre me ca he ka labā e hnyi ke dö me ke dö nyiele balua: kʼ ame ca he at Arabia ka otilâ umen uma mano eling; kʼ ame ca he tavat tuö mamoe ka omokulec e je hnahat mamoe.

²¹ Ke ame he ka mokut eling ta je menoiny hnyot; kʼ ame he ka unöngöt umödra ta je uma ge ta je meno hnân outen, ke ame he ka laba eling je kasida, kʼ ame he je got baga ka walak eling.

²² Ke ame he je luko ka kuku hnyi je uma umen latuhödra, me ta je iaena hnyi umödra je uma ae kese: ke hakekeny dut ûen he ka o, kʼ ame ca he ka bec bonginy je bong.