Isaia 12 - Iaai Bible 1901 (New Caledonia)1 KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya. 2 Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli. 3 Anyin a wale öbun e he ka se köiö me senyin ûnyi hnyi je pupuainy möt. 4 Ke haba hnyi bong eling öbun e he ka ha, ka habe, Oleâ thö kö Iehova, hawâ thö ien; omanenâ thö unyin ta je hnyei anyin ta je huliwa, ke thumeto thö ae beönua thibi ien. 5 Khumöng dö kö Iehova; anyin a e ame ânyâ ta je ûnyi ae beönua: e so adre me omanenâ e hnyi hmeledrany hia. 6 At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm. |
maintained by the British and Foreign Bible Society
Bible Society of the South Pacific