II. Timoteo 1 - Iaai Bible 1901 (New Caledonia)

¹ INYA Paulo, aposetolo anyi Iesu Keriso ûnyi ge weny Khong, hoton hna ha bânâ möt unyin Keriso Iesu,

² oge me sihnalimen ko Timoteo, nokuk a oûnykûmik: E so e unyâm ibetengiö baû, me betenge me hnahic ûnyi ge Khong a Kamen me Keriso Iesu a Tuhöta.

³ Inya oge me ole ka Khong, waleji oge me huliwa kâu hwân ge je lakibik hnyi oûnykûm sâ ae wisa, a oge me ca menâ ûnykûmi u hnyi hijik je hic hnyi lit me lany

⁴ ke bewek hmonyin he ka iouny möu mʼ inye unöngötö ge senyin, anyin oge me ûnykûme li deköiâm;

⁵ ke inya oge me ûnykûme minya labageju unyâm ae ba thoi hnyin; waleji a bân unyin kibâm somaca Lois, ke hinyâm a Eunike; ke oge me wâ ûnykûme a e minya bi unyâm.

⁶ Anyin a wale inya oge me oûnykûmi u he ka öubâhlâ bwihlany anyin Khong a e hnyi hnyekom, ge hna ip li hnyamok.

⁷ Anyin a Khong ame ca ham köta hanon ot; ke so bi ae man, me betenge, me metâ.

⁸ Anyin a wale u me ca he ka hmehma he ka ohnatho Tuhöta, ke gak bi inya at adre cö nya: ke so bi, u me he ka hnyi hanen ta je vecin uthumetu ae so hoton man maniny Khong;

⁹ at ame omeli öta, me hawʼ öta ge hwahongot ae kap, ca hoton bi anyita ta je huliwa, ke so bi hoton weny me anyin ibetengiö baû, waleji adre ham köta unyin Keriso Iesu adrem balua,

¹⁰ ke manen walang ang ge ioiny At omeli öta a Keriso Iesu, waleji at a ohia mok, me omanenâ möt, me ca mok hmetu bi hnen ûthumetu ae so,

¹¹ ke adre me ûco nya hnân at khetâ e, me hnân aposetolo me at ûne.

¹² Can e oge me vecâ ta je ûnyi e; ke inya oge me ca hmehma bi; anyin oge me wâhmakhmeto but e, waleji at oge me labageju kâu, ke mou thö hnyi hnyekuk a e khana he ka tuö hnok hna hna kâu, ke ne o but hnyi bong e.

¹³ Kât hmâ ju tulutiny hofucin möt u je löng ûnyi gak, hnyi labageju me ibetengiö wale unyin Keriso Iesu.

¹⁴ Haba ûnyi ae so adre hna but köu, tuö ju hnen Hanu Kap at ame laba hnyi je hnyekuta.

¹⁵ E khanö u a gʼ adre kec khoto nya ödra hia hnyi Asia; haba Fugelo me Humenaio unyidra.

¹⁶ E so ame he Than ka betenge ka lap anyi Onesiforo: anyin a e osehia okahwö nya, ke e ame ca hmehma gak me tö fao adre cö nya kâu;

¹⁷ ke tiga e Roma, me e ame hwege elöm nya, me ö nya

¹⁸ (e na he ju ka wâ ibetengiö baû unyin Than hnyi bong eling); ke e khanö u wia ae se hia ta je ûnyi e ame hadruo hnyin hnyi Efeso.