II. Samuela 23 - Iaai Bible 1901 (New Caledonia)

¹ KE walang je hofuc a biliny ho Davita, Haingö Davita nöku Jese, Ke ame ha at adre me ogöranyâ, At a hû hnen Khongu Jekob, Me at a ânyâ je khumöng ae hnebwia anyi Isaraela:

² Hanu Iehova ame fuc ûnyi gak, Ke e bi hnyi bohmök hwan hofuc.

³ Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

⁴ Ke e ame he ka helâ me lany hnyi hnyomakatu, hnyi ûen ame o seûno, Hnyomakatu ae ba ûlâiny; Hnyi ûen ame kû hna önying ûnyi hnyi kânâ, Hnyi lany ae hadröngöc hwaban we.

⁵ Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.

⁶ Ke ame he tavat Belial hia thithö ka helâ me je ûdedö adre degec, Anyin adre me ca he bi ka kât je hnyam:

⁷ Ke haba at ame mâdrâ Ame he ka hu fao me taben ö; Ke adre me he ka thong degecâ ge meic hnyi hnen.

⁸ Ke walang ien tavat ae hwege anyi Davita: jia Josheb-basebeth at Takemoni, homakan je taben; wale Adino at Ezeni, e ame kot eit haded hnyi ûen a khaca.

⁹ Ke hwaban e Eleazara nöku Dodai nokon at Aohi, ke at hnyi ta hnyat a kun ae hwege unyi Davita, hnyi ûen ödrin e humbasö at Filisiti adre me ûkhacaköu he ka vat, ke ame he but at Isaraela:

¹⁰ e ame tot, me kot at Filisiti, ke ne o but ame hmokun dut hnyamen, ke ame kece hnyamen ka hnyi hele vat: ke Iehova ame omelö gan hmâ hnyi bong eling; ke haba tavat adre me hmetu he ka sei thibi.

¹¹ Ke hwaban e Sama nöku Age at Harari. Ke ame ûkhacaköu at Filisiti me me deo vat, wale baten utkânâ ae ûnöngöt ge je lentil; ke haba tavat adre me kec ge at Filisiti.

¹² Ke e ame tot hnyi wanben utkânâ, me tuö e, me kot at Filisiti: ke Iehova ame omelö gânâ.

¹³ Ke ame utut hnyat a kun hanen je taben a thote, me o kö Davita hnyi op Adulama, hnyi ûen menu: ke ame hunuma deo vat anyin at Filisiti hnyi thop Refai.

¹⁴ Ke e bi Davita hnyi hnyabâ, ke e Betheleema lap tue anyin at Filisiti.

¹⁵ Ke haba Davita ame ti beweny, mo ha, ka habe, E na he ke at ka habelik ge an hnyi Bethe-leema hnyi homagöule!

¹⁶ Me ame he hnyat a kun ae hwege me hagutâ utbavat anyin at Filisiti, me se köiö hnyi an hnyi Bethe-leema hnyi homagöule, me hom kö Davita: ke so bi e ame höcö ic, ke e ame hingâlâ kö Iehova.

¹⁷ Ke e ame ha, ka habe, Ohe, Than lö, oge me ca he ka ânyâ ûnyi eling: hawa, oge me he ka ijem dra dren hnyat ödrin e vheno deny mok? waleling me me ca ijem utköiö. A ânyâ ûnyi e ta hnyat eling a kun ae hwege

¹⁸ Haba Abisai liamekeiny me Joab nöku Zeruia, me at ae beönua hnyi ödrin kun. Ke e ame hai anyin ö ka tavat a kun ta haded me hlingʼ ödrin, ke adre me tha hâiâ me ke li at.

¹⁹ Hawa e ca beönua soiny at e hon ke li at a lo? ke e ame taben ködru: ke so bi adre ca otilâ e hnyi kun ta hnyat a bân.

²⁰ Me Benaia nöku Jehoiada, nokon ke at ae hwege hnyi Kabezeela, at ame ânyâ je ûnyi ae gan, e ame hlingâ li laku Ariel at Moaba: ke haba hnyi hunainy kiona, me e ame utut ka hnyi thop me hlingâ liona:

²¹ ke e ame kot ke at Aigupito ae hmanenang: ke hu ö dân at Aigupito; ke e ame utut kâu me uci, me e ame hûgûnâ ö ûnyi hnyi hnyamen at Aigupito, me hlingâ e ge dân ö.

²² Wale je ûnyi a ânyâ Benaia nöku Jehoiada, ke adre me tha hâiâ e me ke li at a ödrin kun ae hwege.

²³ E beönua e unyin tavat a thote, ke so bi adre me ca otilâ e hnyi kun a bân. Ke haba Davita ame otilâ e hon je obotkonginy.

²⁴ Ke Asael liamekeiny me Joab, me, hanen hnyat a thote; me Elekana nöku Dodo at Bethe-leema;

²⁵ me Sama at Harod, me Elika at Harod;

²⁶ me Helez at Paleti, me Ira nöku Ikis at Tekoa;

²⁷ me Abiezera at Anathoth, me Mebunai at Husa;

²⁸ me Zalemon at Ahoi, me Ma-harai at Netofa;

²⁹ me Hebeb nöku Baana at Netofa; me Itai nöku Ribai at Gibea hanen lakon Beniamina;

³⁰ me Benaia at Pirathon, me Hidai ûnyi hnyi je wagewe hnyi Gasa;

³¹ me Abi-alibon at Araba, me Azemaveth at Bahurim;

³² me Eliaba at Salabin, hanen laku Jasen, me Jonathana;

³³ me Sama at Harari, me Ahiam nöku Sarari at Arari;

³⁴ me Elifelet nöku Ase-bai, nokon at Maaka, me Eliama nöku Ahithofela at Gilo;

³⁵ me Hezerai at Karemela, me Paarai at Araba;

³⁶ me Igala nöku Nathana ûheny Zoba, me Bani at Gada;

³⁷ me Zelek at Amona, me Nahari at Berotha at ame hom tilâ je omjehen vat anyi Joab nöku Zeruia;

³⁸ me Ira at Iethero, me Gareb at Iethero;

³⁹ me Uria at Heth: ödrin thote seven hia.