II. Samuela 10 - Iaai Bible 1901 (New Caledonia)

¹ KE hwaban e ame mokcu thaniny lakon Amona, ke Hanuna nokon ame musi bi hnyi hwaban.

² Me haba Davita ame ha, ka habe, Oge me he ka betenge kö Hanuna noku Nahasa helâji me kamen ame betenge gak. Me Davita ame kunâ ke je lathnyabainy he ka otubwelâ ge kamen. Me ame o but lathnyabai Davita hnyi hnyei iny lakon Amona.

³ Ke haba je tuhan laku Amona ödrin e ha kö Hanuna a thanidrin, ka habe, U me ûnykûme a Davita ame ogânâ kâmâm, me ame kunâ köu tavat he ka otubwelâ? ke ca Davita bi ame kunâ athnyabainy köu he ka elâm i taun, me ecmâkâ e, me ohia e?

⁴ Me haba Hanuna ame hom lathnyabai Davita, me giâ ke keihen je waidrin, me subâ but anyidrin je ûkhaû hnyi wanben, wale ke ne o but hnyi hon je hûjiödrin, me kunʼ ödrin.

⁵ Ke adre hia but thumetu Davita, me e ame ûkhûnöng he ka ûkhanö mödrin: anyin ae hmehma gan hmâ tavat. Ke haingen than, ka habe, Laba ju öbun hnyi Jeriko, ke ne o but ame kû thö je waibun, me hmetu but jem.

⁶ Ke e ka khana but laku Amona a ödrin bon dut kö Davita, me haba je laku Amona ödrin e ham bak ka at Suria hnyi Bethe-rehob, me at Suria hnyi Zoba, ödrin twente thauzan tavat he hon kânâ, me than Maaka tha e me tavat a khaca thauzan, me tavat anyi Tob a twelv thauzan.

⁷ Ke âme long ut Davita, me e ame kunö Joab, me utbavat hia anyin tavat ae hwege.

⁸ Ke ame o but laku Amona, me tot metâ ka vat hnyi homagouleny taun: ke at Suria ûheny Zoba, me Rehoba, me atö Tob, me Maaka, ödrin e hake tot hnyi ke keihen hnyei.

⁹ Ke a wâ but Joab a e cicö e vat hnyi hnyimakan me hoton, me e ame ûca je hna wia ge at Isaraela hia, me otilʼ ödrin metâ ka ûcû me at Suria:

¹⁰ ke e ame hna kolon tavat kö Abisai liamekeiny mē, ke e ame otilʼ ödrin metâ ka ûcû me je laku Amona.

¹¹ Ke haingen, ka habe, A ne hwege huk at Snria u me he ka hadruo nya; ke ame ne hwege hom laku Amona, me oge me he bi nya ka hadruo u.

¹² Hwege thö, ke so otu me hnyok baga thö hobi kâu itin hnyei, me hobi kâu je taun anyin Khongutin: ke hamö Iehova bi he ka ânyâ ûnyi ae so kâu.

¹³ Me Joab me tavat unyin ödrin e hakekeny he ka vat me at Suria: me ödrin e kec gan.

¹⁴ Ke a wâ but laku Amona a ga kec dö at Suria, me ödrin e kec minya ga Abisai, me dit hnyi taun. Ke Joab ame hmetu ûheny hnyi hna hnu laku Amona, me he Jerusalema ai.

¹⁵ Ke a wâ but at Suria a ga kuc ödra at Isaraela, me ödra adre me ûkhacaköu.

¹⁶ Ke Hadadeza ame ûkhûnöng he ka hom at Suria ûnyi hnyi ke keihen Wagewe: ke ödrin e o but hnyi Helam, tha ödrin me Sobaka taben utbavat anyi Hadadeza hnyi hnyimaködrin.

¹⁷ Ke adre me thumetu Davita; me e ame ûkhacaköu at Isaraela hia, me he hanyâûâ Joridano, me o hnyi Helam. Ke at Suria adre me tot metâ cici Davita, me vat mē.

¹⁸ Ke ame kec at Suria ge at Isaraela; ke Davita ame hlingâ at Suria tavat tabö kariota a seven haded, ke fâte thauzan tavat tabö hors, me kuc Sobaka taben anyidrin utbavat, me ame mokcu eling.

¹⁹ Ke a wâ but je than hia a lathnyabai Hadadeza a ga kuc ödrin dut at Isaraela, me ödrin e ûsoköu me at Isaraela, me bi athnyabaidrin. Me ame ot at Suria he ka hadruâ hmetu lakon Amona.