II. Peteru 2 - Iaai Bible 1901 (New Caledonia)

¹ KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.

² Ke se hia tavat adre me he ka hnu hoton anyidra hwen iwadedök; me adre me he ka haikongoâ hnathu ûnyi gadra.

³ Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

⁴ Anyin ame ne ca betenge Khong ge ta je angela hnyi ûen adre me ânyâ hulo, ke e ame khû ödra ju hnyi gena, kʼ ame hnʼ ödra but ka hnyi je thop ao menekholom, he ka tuʼ ödra ke ne o but hnyi ûhnei;

⁵ ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;

⁶ ke ame ohnaûhangoâ li taun Sodoma me Gomora, me ohia, me wia me hnabadröu, me e ame ip hnân haten ka tavat adre me he hmetu ka ânyâ hwakecin ae kong;

⁷ ke ame omeli Lota at ae wisa hwakecin, ame vec hnyekon ge hwakecin tavat ae kong ae ikiki

⁸ (anyin a haba at e ae wisa hwakecin, me ame tha laba mʼödra, me wâ, me löng, me ohmâkâ hnyekon ae wisa hnyi je bong ge anyidra ta je huliwa ame hanyâûâ hnanyibu):

⁹ e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;

¹⁰ ke nua bi tavat adre me hnu hoton weny unyin ae kong, me oûnyibâûâ musi. Tavat adre me ca ot, ke tavat hwege ânyâ wedra, adre me ca ot he ka haikongoâ ta je musi:

¹¹ ke haba ta je angela ae nua hnyi hwege me man, me adre me ca ha hnaûhangʼ ödra bi hnyi hnyimakan Than.

¹² Ke haba tavat ang, me helâ me ta je meno ae ba hnyekudra, kʼ adre hnöku ödra helâ me omeno hnân noc me hlingâ, adre me haikongoâ ta je ûnyi ae ca khanʼ ödra, ke adre me he ka hamödra hia hnyi hnödra hna ohia,

¹³ kʼ adre me he ka vec hnân bi hwaban hnödra hna ovecâ; tavat adre me ûnykûme ae so he ka mede monu hnyi selany, ödra je thatûnyi, ke hnyat ae hu hnyikongon, adre me senyinâ anyidra je thoi kʼ adre me tiga tha han mʼ öbun hnyi bijeû;

¹⁴ a unöngötö je emaködra ge bi ûnyi monu, ke ca khanʼ ödra bi he ka menâ mâdrâ hulo; ke adre me iyawâ tavat adre me ca tethmâ bi; ke haba je hnyekudra, me khenen hnyi hwakecin behnyekon; ödra je hnyat ha hnaûhangoâ;

¹⁵ ödra hnyat adre me hna degecâ gethen ae wisa, kʼ adre me he monu, kʼ adre me hnu hoton gethen de Balaama nöku Beora, waleji at ame hnyokâ hwaban hwakecin ae ca wisa;

¹⁶ ke adre me oû e can anyin monu: ke ame fuc asina ae hum ge ifucin at, ine thawâ hwen monu anyin perofeta.

¹⁷ Ödra je hna pupua köiö ae hme, ke ta je hai ame oûang dö; adre hia but ip hobi kodra lit ae menekholom.

¹⁸ Anyin adre me fuc bi gan me hobelöu monu, adre me iyawâ tavat adre me hap kec dö ge tavat adre me laba hnyi monu, ge ta je weny unyin, me bi ûnyi monu;

¹⁹ adre me ha bânâ kodra bi a gʼ adre me he ka hnʼ ödra bâûâ, ke so bi haba ödra, me lathnyabainy hwakecin ae ikiki; anyin a haba at ame hom ûhnyûkongoâ ke at, me wale at eling ame bâ bi kâu.

²⁰ Anyin adre ne hia but kec ûnyi hnyi ta je ûnyi ae kong hnyi hmeledrany ûnyi ge hnödra hna wâhmakhmetoâ Than At ûhomeli a Iesu Keriso, ke adre me vhet hmetu hnyin me hom ûhnyûkongo, awe, e kong obiny hynat eling hon can.

²¹ Anyin ae so kodra adre ne ca bia but wâhmakhmetoâ getheniny hwakecin ae wisa, hon hnödra hna wâhmakhmeto, me hmetuhmetu ûnyi hnyi hnanyibu ae kap adre me ham kodra.

²² Ke ame aat dö kodra helâ me ong vejec ae hnathu, ka habe, Ame hmetu thö kuli ka hnyi hnen hna hmita, kʼ ame hmetu thö buaka a ka hia but soû ka hnyi hmudra he ka seset hnyin.