II. Korinito 8 - Iaai Bible 1901 (New Caledonia)

¹ KE haba khaca, hnyat me lakeiny lö, öhmun e thumetu öbun ge ibetengiö baû anyin Khong hnyi ta je ekalesia hnyi Makedonia;

² ka habe, adre cubic ödra hnyi vec ae gan hmâ, ke ame kû gan hmâ but anyidra sēnyin me hna ham bâûâ ûnyi hnyi anyidra theduoc.

³ Ke inya oge me ohnatho, a gʼ adre me ham bâûâ hoton hnödra hna khana, eke, me hanyâûâ but hnödra hna khana,

⁴ ke adre kunʼ öhmun ûjongi öhmun hnyi betenge eling me munyi hadruâ wakap:

⁵ ke ca helâji me hnöhmun hna ûnykûme, ke adre me më ham ödra bi ka Than, me kohmun minya hoton weny Khong.

⁶ Wale me öhmun e sumatö Tito thö, anyin a e ame ibi hwân, ke helâe minya e ame he ka umo unyibun ibetengiö eang.

⁷ Ke öbun e tren gânâ ta je ûnyi hia, wale labageju, me ha hofuc, me metâ, me kong hnyekunâ gan hmâ, me anyibun ibetengiö kohmun, awe, e so ame he ka si minya unyibun ibetengiö ang.

⁸ Oge me ca ha me hnân hnanyibu, ke ame cubec anyibun ibetengiö ûnyi ge hna kong hnyekunâ anyin keihen.

⁹ Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

¹⁰ Ke inya oge me omanenâ ûnykûmenök hnyi ûnyi eang: anyin ae ûcû köbun tavat öbun e hwân ehac, a khaca but hunaibun, he ka ca mâdrâ thibi, ke so minya bi he ka weny.

¹¹ Ke walang ang, oumo ju hna ânyâ minya; me me um minya ju ûnyi hnyi hna hu, helâji me hnobun hna ie weny.

¹² Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi.

¹³ Anyin oge me ca ha ûnyi e me me hâhâ keihen, kʼ öbun hmak bi öbun:

¹⁴ ke so bi me me tha ûcû; haba hnobun hna tren gânâ hnyi ûen eang, me hobi kâu anyidra theduoc, me me hobi kâu anyibun theduoc hnödra hna tren gânâ; me me tha ûcû thibi:

¹⁵ helâ me hna sihnalimen, ka habe, Haba at ame thithigâ gânâ me ba kolon kâu; ke haba at ame thithigâ ûhnyûkongo me ba ûnyi ae hia gan.

¹⁶ Ke ole ka Khong at ame ip hnyi hnyeku Tito ibetengiö köbun helâe.

¹⁷ Anyin a e ame kap hnöhmun hna ûne kâu; ke ûnyi hnyi hnen hna hnyok gan hmâ ka hnyin, me e ame ka hamen he but köbun.

¹⁸ Ke öhmun e hia but kunâ e tha e me ke liamekeiny, waleji adre ogânâ hnyi ta je ekalesia hia hnyi ûthumetu ae so;

¹⁹ I ke ca eang thibi, ke adre ûca minya e hnen ta je ekalesia he ka tha he mʼ öhmun he ka hom ibetengiö eang, wale öhmun e huliwan hnân ogânâ Than, me hnân bi haten hyekuhmun ae weny:

²⁰ ke öhmun e outen ang, wâ e nye haikongu öhmun ke at hnyi tang omjeû eang ae gan öhmun e huliwan:

²¹ anyin a öhmun e ûnykûme he ka ânyâ ta je ûnyi hnyi wisa, ca hnyi hnyimakan Than thibi, ke hnyi hnyimakan minya bi tavat.

²² Ke öhmun e hia but kunâ he ka tha he mʼ ödru liamekeiny mʼ öhmun, waleji öhmun e wâhmakhmetoâ hnyekon ae kahwa hnyi ta je ûnyi ae se hia, ke walang ang ae nua kahwainy hnykon, ûnyi hnyi anyin labageju köbun.

²³ A ne ke at ame hnei ga Tito, awe, e at ame tha e mönya, me at ame tha huliwa mönya köbun; ke adre ne hnei minya ge liamekeiny mötu, awe, ödru li ûthumetu anyin ekalesia ke hmanenanginy Keriso.

²⁴ Anyin a wale omanenâ thö ködrin hnyi hnyimakan ta je ekalesia haten anyibun betenge, ke hnöhmun hna ohobeluâ ûnyi gabun.