II. Korinito 6 - Iaai Bible 1901 (New Caledonia)

¹ KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

² (anyin a haingen, ka habe, Oge me ling u hnyi ûen eji ae so, Ke oge me hadruo u hnyi bonginy möt: ke wâ bi, walang ûen ae so; wâ bi walang ang bonginy möt):

³ ke öhmun e ca othoâ at hnyi ke ûnyi bi, mʼ adre me ca he ka haikongoâ hnöhmun hna huliwa;

⁴ ke hnyi ta je ûnyi hia öhmun e omanenʼ öhmun a lathnyabainy Khong öhmun, hnyi hokhnyok ae gan hmâ, me je vec, me theduoc, me hlöuhlöu,

⁵ me hna osoâ, me hnyi uma ceat, me hnyi je imonumonu, me ta je huliwa, me hmâkâ me mekihnânem;

⁶ hnyi hwakecin ae so, me wâ ûnykûme, me lingvec ʼae beû hmâ, me hwakecin betenge, me Hanu Kap, me ibetengiö ae ba thoi hnyin,

⁷ me hnyi hofuc ae hnathu, me hnyi man maniny Khong; hnen omjehen vatiny hwakecin ae wisa hnyi ke keihen metâ me me,

⁸ hnen ogânâ, me oûhnyûkongoâ, hnen haikongoâ, me haisoâ; helâke me hnyat iyawâ, kʼ öhmun hnathu bi;

⁹ helâke hnyat ae ca khanʼ ödra öhmun, ke khanʼ ödra öhmun bi; helâke hnyat adre me he ka mokcu, ke wâ bi öhmun e möt; helâke hnyat adre osoâ, kʼ adre ca hlingâ öhmun bi;

¹⁰ helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

¹¹ At Korinito lö, öhmun e khong köbun je hnyimöhmun, ke adre me ogânâ je hnyekuhmun.

¹² Öbun ca ûhnyûkong eû hnyi je hnyekuhmun, ke öbun ka ûhnyûkong eû hnyi je hnyekubun.

¹³ Ogânâ but öbun, me hnân hwaban bi (inya oge me ha helâ me ka lakuk).

¹⁴ Ca ûhûkölöbun monu köu me tavat adre me ca labageju bi: anyin ame he ka hawa hwakecin ae wisa he ka tha e me hwakecin ae ca wisa bi? ke ame he ka hawa ka tha e melam me menekholom?

¹⁵ Ke ame he ka hawa ka tha hnyok Keriso me Belial? ke ame he ka kâmâu ka tha jekhon at labageju me at ame ca labageju bi?

¹⁶ Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

¹⁷ Anyin a wale, haingen Than, ka habe, Didrut öbun gadra, ke ve laba but, Ke ca kâlâ bi ûnyi ae ikiki; Ke oge me he ka köp öbun,

¹⁸ Ke oge me he ka Kamöbun, Kʼ öbun e he ka lakuk obaga me wahlu, haingen Than ae khana hia.