II. Korinito 2 - Iaai Bible 1901 (New Caledonia)

¹ KE oge me ohmâ eû hnyi hnyekuk, ka habe, oge me ca he hmetu ka o köbun me hnyok ae hmak.

² Anyin a oge ne he bi ka ohmakâ je hnyekubun, me ewa at ame he ka osenyini nya, ke so bi at thibi oge me ohmakâ?

³ Ke oge me sihnalimen ûnyi eling, wâ e nye hmak hnyekuk ûnyi ge tavat ae ûcû he ka osenyini nya, iny ka o; ke oge me geju köbun hia thithö, a haba anyik sēnyin, me anyibun minya sēnyin hia.

⁴ Anyin oge me set köbun hnyi vec ae gan hmâ, ke hmak hnyekuk, ke gan hmâ deköien li emakök; ca hnân oveci öbun, ke so bi me me he ka manen köbun anyik betenge ae gan hmâ köbun.

⁵ A ne ohmakö nya hnen at, me e ame ca ohmakö nya a hake inya ke (wâ oge nye ti ohmakʼ öbun), ke so bi öbun hia thithö minya.

⁶ E ûcû ka at e hna bi hwaban helâe hnen tavat ae se;

⁷ waleling me me so köbun he ka nuâ anyin monu me okahwâ e, wâ e nye utâ but at helâe hnen anyin hlöuhlöu ae ti gan hmâ.

⁸ Anyin a wale, inya oge me sumat öbun, he ka ohmâ anyibun betenge kâu.

⁹ Anyin oge me sihnalimen minya can e, me me khanö nya thö haten gabun, hawa la, öbun e ne ûling hnyi ta je ûnyi hia.

¹⁰ Anyin a haba at öbun e onuâ anyin monu, me oge me he bi nya ka önuâ: anyin a haba ûnyi oge hia but onuâ, a ne hu hnok hna önuâ, me oge me ânyâ ûnyi gabun hnyi hnyimakan Keriso;

¹¹ wâ e nye iyâûʼ öta Satana, anyin ae ca iyong köta anyin ta je bihihwakecin.

¹² Haba hnyi ûen eji oge me o hnyi Troas me ûthumetu ae so anyin Keriso, ke adre khong hwanuma könya ûnyi hnyi Than,

¹³ me ame ca menâ bi hanuk, anyin oge me ca iouny me Tito liamekeiny mönya: ke oge me ûhûne mʼ ödra, me he but Makedonia ai.

¹⁴ Ke ole ka Khong at ame odökhu öhmun bala ûnyi ge Keriso, kʼ ame omanenâ ûnyi gahmun bunen metâ gan hnyi ta je hnyei hia.

¹⁵ Anyin a öhmun ang bunen ae hnebwia anyin Keriso ka Khong can tavat adre omelö, ke tavat adre me hnaûhango;

¹⁶ haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang?

¹⁷ Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.