II. Korinito 13 - Iaai Bible 1901 (New Caledonia)

¹ WALANG okuniny he a inya köbun. Adre me he ka ohmâ ta je hofuc hia hnen li at a lo ame ne kun a hnyat ohnatho.

² Oge me bök ka ha, ke oge me ha hmetu, helâji me imwik a loiny unyibun, helâe walang ang ke hiö nya, oge me ha kodra adre me ânyâ hulo, me ödra hia thithö, ka habe, oge ne he hmetu, me oge me ca he bi ka ohâhâ;

³ anyin a öbun e elâm haten Keriso eû hnyi hnyik; at a ca sënyin unyibun, ke hu man bi:

⁴ anyin adre me osatauroâ e hnyi sënyin, kʼ ame möt hmetu thö ge man maniny Khong. Ke öhmun e sënyin minya unyin, kʼ öhmun e he ka tha möt më ge man maniny Khong köbun.

⁵ Elâm dö eû hnyibun, a ne hu labageju gabun; cubic öbun. Hawa, e et khanʼ öbun a Iesu Keriso eû hnyibun? öbun e ne ca monu bi.

⁶ Ke oge me wek ame he ka khanʼ öbun a ca monu but öhmun

⁷ Ke öhmun e hic ka Khong, mʼ öbun e ca he ka ânyâ hulo; ke ca hnân bi omanenâ a öhmun hnyat ae so, ke so bi mʼ öbun e he ka ânyâ so, ke monu bi öhmun.

⁸ Anyin ae ca khanʼ öhmun he ka ânyâ ke ûnyi ûcon hnathu, ke so bi hobi kâu hnathu.

⁹ Anyin öhmun e sēnyin; a ne hwege öbun kʼ öhmun sënyin bi: öhmun e hic miny mʼ öbun e he ka bekhöt.

¹⁰ Wale m inye set ta je ûnyi ang ke tiga hiö nya, wa oge nye fuc hwege iny ka o köbun, hen me musi ame ham könya Than hnân otethmâ, ke ca hnân bi hagutâ.

¹¹ Hnyat me lakeiny lö, obiny ju ang, ka habe, e so öbun e hnahic. Wisa ju öbun, ke kahwa ju; tha hnyok ju; ûsoköu ju: me me e unyibun Khongon ibetengiö me hnahic.

¹² Ûitalofakâu ju öbun ge ûcimhnyimak ae kap.

¹³ Ame italofa mʼ öbun wakap hia thithü.

¹⁴ E so e unyibun hia thithö ibetengiö baû anyin Than Iesu Keriso, me ibetengiö anyin Khong, me tha e mʼ öbun Hanu Kap.