II. Korinito 11 - Iaai Bible 1901 (New Caledonia)

¹ EWEK öbun e ha ka hokhnyoki nya okhulit thibi hnyi anyik monu: eke, hokhnyoki nya ju.

² Anyin a inya oge me ciʼ öbun ge hwakecin ciâ anyin Khong: anyin a oge me kocʼ öbun ka baga a khaca, mʼ inye he ka hum öbun ka Keriso helâ me hlu cici.

³ Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

⁴ Anyin a ne o ke at me khetâ ke Iesu bi, waleji öhmun e ca khetâ, ke öbun e ne kap ke hanu, waleji öbun e ca kap, me ke ûthumetu ae so, waleji öbun e ca kap, awe, e ûcû hnobun hna hokhnyok kâu.

⁵ Anyin a inya oge me ûnykûme a ca ûnyûkong bi nya hnyi melen je aposetolo ae nua hnyi ke ûnyi a khaca.

⁶ Eja ke ne oge ne hwen monu hnyi hofuc, me oge me ca helâe hnyi metâ; ke öhmun e hia but omanenâ e köbun hnyi ta je ûnyi hia, unyin tavat hia.

⁷ Hawa, iny monu anyin oge me ka ohnyikönö nya mʼ öbun e görany dut, ke ûnyi hnyi hnok hna khetâ köbun ûthumetu ae so anyin Khong köbun ke ba hwaban?

⁸ Oge me söh ke je ekalesia, kʼ oge me kap hwaban ûnyi gadra me hnân bi hadruʼ öbun;

⁹ ke habaji ke tiga inya unyibun, ke ba ta ûnyi gak, me oge me ca ohmâkâ ke at; anyin ame o je liamekeiny ûhedrin Makedonia me ham könya hnyi tulut ae ûcû; ke oge me ka hokhnyoki nya hnyi ta je ûnyi hia, mʼ oge me ca hmak köbun, ke oge me he bala bi ka hokhnyoki nya helâe.

¹⁰ Hoton hnathu anyin Keriso unyik, me ba at ame he ka thawo nya hnyi hobeluâ eang hnyi je ke keihen Akaia.

¹¹ Anyin a ieû? hawa, anyin oge me ca betenge gabun? E khana Khong.

¹² Ke haba hnok hna ânyâ, me oge me he bala ka ânyâ e, mʼoge me thelöng deny tavat waleji adre me heleû can; me me manen dut a ödra ûcû mʼ öhmun hnyi hnödra hna hobeluâ.

¹³ Haba hnyat eling, me je aposetolo thoi, a hnyat huliwa iyawo, a ka hamödrin wiʼ ödrin me hnân ta je aposetolo anyin Keriso.

¹⁴ Ke ca hnân bi lâiâ e, anyin a Satana ame ka hamen wia e me hnân angela ae melam.

¹⁵ Anyin a wale, e ca hnân lâiâ ûnyi ang, a gʼ ame he lathnyabainy ka hamödra bi wiʼ ödra me hnân lathnyabainy hwakecin ae wisa; ke haba obiny kodra me ame he ka helâ me anyidra huliwa.

¹⁶ Inya oge me ha hmetu, ka habe, Ca he bi ke at ka ûnykûme a iny monu but; ke a ne ûnykûme helâe, awe, köp nya thö helâ me monu, me inye na hnyi ohobeluö nya thö.

¹⁷ Haba hnok hna ha, me oge me ca ha bi helâ me Than, ke so bi helâ me monu, hnyi hobelöu hwege ang.

¹⁸ Anyin ae se hia tavat adre me hobeluâ hoton unyin, me oge me he bi nya ka hobelöu.

¹⁹ Öbun tavat ae metâ, me waleling öbun e hokhnyokâ tavat ae monu.

²⁰ Öbun e hokhnyokâ at, ame ne thalûʼ öbun, ame ne ön öbun, ame ne hom hwenbʼ öbun, ame ne bi gan, ame ne khaû hnyimaköbun.

²¹ Inya oge me haikongo, helâke öhmun je hnyat ae sënyin. E ka hu ûnyi ame hwege hnyin ke at (inya oge me hwen monu) inya minya oge me hwege hnyin.

²² Hawa, ödra at Heberu? helâ minya inya. Hawa, ödra at Isaraela? helâ minya inya. Hâwâ je mâtrâni Aberahama ödra? Helâ minya inya.

²³ Hawa, ödra tavat huliwa ka Keriso? (inya oge me hwen monu) iny beönua bi nya; beönua hnyi huliwa; ke se hia hmönyin hna labö cö nya, e se hia hmönyin hna labö osoi nya, ke iny osehia he ka mokcu.

²⁴ E othabûng osoi nya hnen at Juda, a ûsa thote nain hna hna.

²⁵ At okun kuc nya ge je osö, ke at okhaca lûö nya ge veto, a ibi okun hmouca but hu oge me kec hnyin, khaca lidrik ke khaca lang eû hnyi köiö;

²⁶ iny osehia he, oge ne kong ut hnyi je wagewe, oge ne kong ut hnen tavat venöu, oge ne kong ut hnen aten ik hnyei, oge ne kong ut hnen Aten ke je hnyei, oge ne khong ut hnyi taun, oge ne kong ut hnyi hnyot, oge ne kong ut eû hnyi köiö, oge ne kong ut ge hnyat me lakeiny ae thoi;

²⁷ inya hnyi huliwa ae hmak, me vec, me osehia hmâkâ, me mekihnânem, me beic, me ibiose hokhnyok, me hnyi megic, me he thu.

²⁸ Ke ca ta je ûnyi ûnyi hnyi hoton thibi, ke ka e bala bi anyik hmak hnyi je bong hia, wale oge me kong hnyekunâ ge ta je ekalesia hia.

²⁹ Ewa at ae sënyin, ke ca sënyin bi nya? ewa at adre othöâ, ke ca vec bi nya?

³⁰ A ne ûcû könya he ka hobeluâ, me oge me he ka hobeluâ ta je ûnyi oge me sēnyinâ.

³¹ E khana but Khong a Kamen Tuhöta Iesu Keriso, wale a hnân he ka haisoâ nyiele balua, a oge me ca thoi.

³² Hnen gavena hnyi Damaseko a e hnyi hmeli Areta than hna tuö taun anyin at Damaseko, me me kot nya:

³³ ke adre me öû nya but ûnyi hnyi mamalama hnyi hak veto hnyi hnyin tang, me oge me kec ûnyi hnyi li hnyamen.