II. Korinito 10 - Iaai Bible 1901 (New Caledonia)

¹ HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

² inya oge me sumat, mʼ inye ka o, mʼ oge me ca he ka bi hwege köbun, ge hwege waleji oge me ûnykûme he ka hwege ka keihen, hnyat adre me ûnykûmi öhmun helâke öhmun e he hoton hwakecin unyin.

³ Ke öhmun e he hnyi unyin, ke öhmun e ca vat helâ me unyin

⁴ (Anyin a haba omjehen anyihmun vat me ca hwen unyin bi, ke hwege maniny hnyi hnyimakan Khong hnân hagutâ je hnabâ ae hwege);

⁵ ame hagutâ ta je ûnykûme me ta je ûnyi hia ae görany ame ûö bi ûnyi ûcon wâhmakhmetoâ anyin Khong, me hom hwenbâ ta je ûnykûme hia, me me long hoton Keriso;

⁶ me laba penapena he ka bi hwaban ka tavat adre me ca ûling, e ka bekhöt dö anyibun ûling.

⁷ Öbun e wâ ta je ûnyi hnyi hnyimaköbun. A ne ke at ame ûnykûme a e aten Keriso, e so e ame ûnykûme hmetu a e ka aten Keriso, awe, öhmun je aten Keriso.

⁸ Eja ke ne a ne ka gan dut hnok hna hobeluâ anyihmun musi, (waleji a ham köhmun Than hnân otilʼ öbun, ke ca hnân bi hagutʼ öbun), oge me ca he ka hmehma:

⁹ anyin ae ca wek he ka ooti öbun ge anyik ta je tusi.

¹⁰ Anyin a haingödra, ka habe, E hmak, ke man bi anyin je tusi; ke sënyin bi unyin, ke ca ûnyi hnathu bi hwan hofuc.

¹¹ E so at helâe he ka ûnykûme ang, ka habe, haba hohmun hofuc hnyi je tusi ke tiga hiʼ öhmun, me helâe hnyi huliwa e ka öhmun dut e.

¹² Anyin a öhmun ca hwege bi he ka hnyi hanen me oûcû öhmun me keihen, tavat adre me haisoi ödra bi: ke adre me ûtuluti ödra köu bi, me oûcû ödra mʼ ödra bi, ke ba wâ ûnykûme gadra bi.

¹³ Ke öhmun e ca he ka hobeluâ hoton tulut ae ca so, ke so bi hoton tulut a tuluto köhmun Khong, hnân tulut he ka o but köbun.

¹⁴ Anyin a öhmun e ca tuluto beönua, helâke a ca o köbun: anyin a öhmun e o but köbun tha öhmun me ûthumetu ae so anyin Keriso:

¹⁵ öhmun e ca hobeluâ ta je ûnyi adre ca tuluto bi, hnyi huliwa anyin keihen; ke öhmun e labageju öbun ka he ka kû tot hnyi labageju, a öbun e he ka ogânʼ öhmun hoton anyihmun tulut,

¹⁶ he ka khetâ ûthumetu ae so ka hnyi ta je hnyei ae ûsâkâûö mʼ öbun, me ca he ka hobeluâ ta je ûnyi adre penapena hnen tulut anyin ke at.

¹⁷ Ke haba at ame hobeluâ, e so e ame hobeluâ Than.

¹⁸ Anyin adre me ca he ka kap at ame ka haisoâ e, ke so bi hnen Than hna haisoâ.