II. Korinito 1 - Iaai Bible 1901 (New Caledonia)

¹ INYA Paulo aposetolo anyin Keriso Iesu ûnyi ge weny Khong, ke Timoteo a liamekeiny mʼ öta, ohmu set ka ekalesia anyin Khong hnyi Korinito, tha ödrin me wakap hia thithö hnyi Akaia hia:

² E so e unyibun ibetengiö baû, me hnahic ûnyi ge Khong a Kamöta me Than Iesu Keriso.

³ E so he ka ogânâ Khong a Kamen Tuhöta Iesu Keriso, me Kamen ta je ibetengiö, me Khongon hna okahwa hia;

⁴ at ame okahwʼ öhmun hnyi anyihmun je vec hia, me me khanʼ öhmun dut he ka okahwʼ ödra adre me vec, ge kahwa ame okahwʼ öhmun kâu hnen Khong.

⁵ E gan hmâ vec ame o kohmun ûnyi ge Keriso, anyin a wale e gan hmâ minya hna okahwʼ öhmun ûnyi ge Keriso.

⁶ Ke adre me ne oveci öhmun, me wale hnân hobi kâu anyibun kaukahwa me möt; ke adre me ne okahwʼ öhmun, me hnân he ka okahwʼ öbun, wale ame huliwa hnyi anyibun hokhnyok hnyi je vec a tha ûcû me anyihmun je vec:

⁷ ke e tethmâ anyihmun geju gabun; anyin ae khanʼ öhmun a öbun e he ka hnyi kahwa helâ me hnobun hna hnyi vec.

⁸ Hnyat me lakein lö, e ca wehmun e me ca khan öbun ge vec a o kohmun hnyi Asia, waleji adre me ti ohmakʼ öhmun ae gan hmâ hon tang hwegiöhmun, waleling me öhmun e ca ûnykûme hmetu bi he ka möt:

⁹ eke e bu gahmun hna ûnykûme be ka mok, mʼ öhmun e ca he ka geju kohmun bi, ke so bi ka Khong at ame omelö hmetu tavat adre me mokcu:

¹⁰ wale at ame omeli öhmun ûnyi hnyi mok ae gan helâe, kʼ ame he bi ka omeli öhmun: ke öhmun e geju kâu a gʼ ame be bala ka omeli öhmun;

¹¹ kʼ öbun e hnyi hadruâ ûnyi ge hic hobi kohmun; me me ole minya tavat ae se hia hobi kohmun, hnyi ibetengiö kohmun a deny tavat ae se hia.

¹² Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

¹³ Anyin a öhmun e ca set köbun ke ta je ûnyi, ke so bi ûnyi Öbun e aû me ogâ, ke inya oge me ûnykûme a öbun e he ka ogâ ke ne o but obiny:

¹⁴ helâ me keihen gabun adre me ogʼ öhmun ehac, ka habe, a öbun e hobeluâ gahmun, helâ me hnöhmun hna hobeluâ gabun, hnyi bong bongon Tuhöta a Iesu.

¹⁵ Ke hnyi labageju eling, oge me ûnykûme he ka o köbun ehac, me me lo anyibun li so;

¹⁶ me be ka gethen unyibun Makedonia ai, me he ka o hmetu köbun ûhek Makedonia, me öbun e he ka su nya hnyi gethen iny ka he Juda ai.

¹⁷ Anyin a wale, hawa, oge me ha monoâ hnyi ûnykûmenök eling? ke haba ta je ûnyi oge me ûnykûme, hawa, oge me ûnykûme hoton unyin, me me ka hamök bi he ka ha, ka habe, eke, eke, e ba, e bai

¹⁸ Ke hnathu bi Khong, me haba hohmun hofuc köbun me ca eke, me e ba.

¹⁹ Anyin a haba Nokon Khong, a Iesu Keriso, waleji öhmun e khetâ köbun, a inya me Silevana, me Timoteo, me ca eke, me e ba, ke ûnyi gan bi, ka habe, eke.

²⁰ Anyin a eja ke ne a ne habânâ ta je ûnyi ae ti se hia Khong, me ûnyi thibi gan bi, ka habe, eke: waleling me me ûnyi thibi minya gan Amen, mʼ adre me he ka ogânâ Khong ûnyi gahmun.

²¹ Ke haba Khong at ame otethmʼ öhmun, me öbun minya unyi Keriso, ke e at a hû öhmun;

²² waleji at ame okeceâ hmâ hatöta, me ham köta haten Hanu eû hnyi je hnyekuta.

²³ Ke inya oge me hawâ Khong he ka ohnathoâ hon hanuk, a habaji kʼ iny tiga ca mwi bi Korinito, me, inya oge me betenge gabun.

²⁴ Ca ha bi a öhmun e muso anyibun labageju, ke so bi öhmun je hnyat ûhadruo bi anyibun sēnyin, anyin a öbun e tethmâ hnen anyibun labageju.