Biblia Todo Logo
Bìoball air-loidhne

- Sanasan -

II. Je Than 9 - Iaai Bible 1901 (New Caledonia)

1 KE haba Elisaia perofeta ame hawâ ke at hanen lakon je perofeta me ha kâu, ka habe, Hûkâlâ ju wen hnyâm, ke hom tap wakaco eang hnyi hnyâmâm, me he Ramothi-Gileada ai.

2 Ke u ka o but, me u me he ka elöm Jehu nöku Jehosafata nöku Nimesi, me didro, me otilâ e unyin je liamekeiny mē, me hom dö e ka hnyi hnyeule eiö hnyin.

3 Me hom dö wakaco me i hingâlâ hon ban me ha, ka habe, Walang hna ha hnö Iehova, ka habe, Oge hia but hû u hnân than Isaraela. Ke u ma khong ut hwanuma me kec, ke ca bec bi.

4 Me ame he hidröu, a hidröu perofeta, Ramothi-gileada ai.

5 Kʼ ame o but, me wâ bi, je taben vat ödrin e tha laba; me e ame ba, ka habe, Tuhok lö, e hu hofuc gak köu. Me haingö Jehu, ka habe, Kö ie at gahmun? Me e ame thu, ka habe, Köu a tuhok.

6 Me e ame todrö me dit ka hnyin uma; ke e ame hingâlâ wakaco hon ban me ha kâu, ka habe, Walang hna ha hnö Iehova, Khongu Isaraela, ka habe, Oge hia but hû u hnân tuhan lakei Iehova, wale Isaraela.

7 Ke u me he ka kot lap anyi Ahaba a tuhâm, me inye he ka bi hwaban kö Jezebela dra dren lathnyabaik a je perofeta, me dra dren lathnyabai Iehova hia thithö.

8 Anyin ame he ka hia but lap anyi Ahaba hia: ke oge me he ka subâ degecâ ga Ahaba je wainda hia, me hnyat adre me ca, me hnyat adre he monu hnyi Isaraela.

9 Ke oge me he ka wia lap anyi Ahaba, me me helâ me lap anyi Jeroboama nöku Nebata, me helâ me lap anyi Baasa nöku Ahia.

10 Ke ame he je kuli ka on Jezebela hnyi ke keihen Jezerela, ke ba at ame he ka konâm. Me e ame khong ut hwanuma me kec.

11 Ke haba Jehu ame he ka lathnyabainy tuhan: ke haingen ke at kâu, ka habe, Hawa, e so? anyin a ieû ame o köu at e ae monu? Me haingen ködrin, ka habe, E khanʼ öbun dut at, me hwan hofuc.

12 Me haingödrin, ka habe, E thoi e; thumetu ohmun dö walang ang. Me haingen ködrin, ka habe, E ame ha könya helâng me helâe, ke haingen, ka habe, Walang hna ha hnö Iehova, ka habe. Oge hia but hû u hnân than Isaraela.

13 Me ödrin e ie he me ve hom anyidrin je ûkhaû, me ip hmelen hnyi hon wacûat, me tûâ trutru me ha, ka habe, Than dö Jehu.

14 Ke haba Jehu nöku Jehosafata nöku Nimesi ame ûkhin fuc kö Jorama. (Ke Jorama ame tue hnyi Ramothi-gileada, e me Isaraela hia thithö, ga Hazaela than Suria:

15 ke ame hmetu but Jorama than Jezerela ai, he ka bi anyin je aat waleji hnân je aat ge at Suria, hnyi hnen hna vat me Hazaela than Suria.) Ke haba Jehu ame ha, ka habe, A ne webun e, awe ca hna ke at a khaca he ka kec ûnyi hnyi taun, he ka he me thumeto e hnyi Jezerela.

16 Haba Jehu ame tabâ ke kariota, me he Jezerela ai; anyin a Jorama ame mokut eling. Ke Ahazia than Juda ame ûö Jorama.

17 Ke haba at ame tue ame tot hon ban hnabâ hnyi Jezerela, me e ame wâ bunyen anyi Jehu, me e ame ha, ka habe, Oge me wâ bunyen. Haba Jorama ame ha, ka habe, ûca thö at tabô hors me; kunâ he ka ûkhanö mödrin, he ka ha, ka habe, Hawa, ûsoköu?

18 Me ame he ke at tabô hors he ka ûkhanö mē, me ha, ka habe, Walang hna ha hnen than, Hawa, ûsoköu? Ke haingö Jehu, ka habe, Ieû ûsoköu gam? he but ka hnyi hotuk. Haba at ame tue ame ûthumetu ködrin, ka babe, A o but uthumetu ködrin ke e ame ca hmetu.

19 Me e: ame kunâ at tabö hors a loiny, ke e ame o ködrin me ha, ka habe, Walang hna ha hnen than, Hawa, ûsoköu? Ke haingö Jehu, ka habe, Ieû ûsoköu gam? he thö ka hnyi hotuk.

20 Haba at ame tue ame ûthumetu me ha, ka habe, A o but ködrin, ke e ame ca hmetu: ke haba hnen hna alen i me helâ me hna alen hnö Jehu nöku Nimesi; anyin a e ame alen hwegiâ.

21 Haba Jorama ame ha, ka habe, Penapena thö. Me adre me penapena anyin kariota. Me ame didrut Jorama than Isaraela, me Ahazia than Juda; me ve tabö kariota, ke ödru me he he ka ûkhanö me Jehu, me wâ e hnyi hnyei i Nabotha at Jezerela.

22 Kʼ ame ō Jehu hnö Jorama, me e ame ha, ka habe, Hawa, ûsoköu Jehu? Ke e ame thu, ka habe, Ieû ûsoköu, ke se hia bala je bi unyi monu me bihihwakecin anyin hinyâm jia Jezebela?

23 Haba Jorama ame hwio me kec, me ha kö Ahazia, ka habe, E hu iyawâ Ahazia.

24 Haba Jehu ame hlec cafana ge tang hwegien hia, me ame aat dö Jorama hnyi wanben li benyin, me ame o but fana hnyi oûnykûminy, me e ame ta hweti hnyi anyin kariota.

25 Haba Jehu ame ha kö Bidekara a taben unyin, ka habe, Hom dö, me khûâ but e hnyi hnyei i Nabotha at Jezerela, anyin u me ûnykûme ûen waleji otu me tha tabô kariota hotu Ahaba a kamen, me Iehova ame ip hon hok eling ae hmak;

26 ke haingö Iehova, ka habe, Haba et oge me wâ drö Nabotha, me dren lakon je baga; me haingö Iehova, ka habe, Oge me he ka bi hwaban köu hnyi dok ang. Ke walang ang hom dö me khûâ but e ka hnyi utkânâ, helâ me hofuc ho Iehova.

27 Haba Ahazia than Juda ame wâ me e me kec hnyi getheniny uma umen hna belök. Ke haba Jehu ame hnu e, me ha, ka habe, Kot e hnyi kariota: me adre me kot e hnyi gethen ûheny Gura hnyi Ibeleama. Ke e ame kec Megido ai, me e ame mokcu eling.

28 Ke haba lathnyabainy ödrin e hom e Jerusalema ai hon kariota, me konâm hnyi erkemok tha e me lakamen hnyi taun anyi Davita.

29 Ke haba hnyi huna a eleveni Jorama nöku Ahaba, me hwân Ahazia ka musi hon at Juda.

30 Ke ame o but Jehu hnyi Jezerela, me haba Jezebela ame long; me e ame bi hnalimen li emakan, me omecâ ban, me selat hnyi mamalama.

31 Ke haba Jehu ame tiga didro hnyi homagöule, me momo ame ha, ka habe, Hawa, Zimeri lö, at ûhlingâ tuhâm, u je o hnyi ûsoköu?

32 Me e ame hngele hnyidranyai ka hnyi mamalama, me ha, ka habe, Ia ame tha hien mönya? ia? me ame selatâ e li at a lo ame ne kun a je eunuka.

33 Me e ame ha, ka habe, Khûâ but momo hnyikânâi. Me ödrin e khûâ hnyikânâi, me ame fifile thö dren ka hnyi hon haginy veto, me hon je hors: me e ame uto momo ge li can.

34 Me e ame didro me han me ic, me e ame ha ka habe, Tuö momo ang adre ohnauhangoâ me konâm bi, anyin a e nokon than.

35 Me ödrin e he ka konâm; ke ödrin e ca wâ bi, ke so bi ibokomok thiju me li hnyeûca me li hnyam.

36 Me ödrin e hmetu me thumeto e. Me haingen, ka habe, Wale hofuc ho Iehova waleji e ame ha deny athnyabainy a Elia at Tisebi, ka habe, Ame he je kuli ka an onyi Jezebela hnyi hnyei Jezerela:

37 kʼ ame he unyi Jezebela ka helâ me tet hon kânâ hnyi hnyei Jezerela; mʼ adre me ca he ka ha, ka habe, Wale Jezebela.

maintained by the British and Foreign Bible Society

Bible Society of the South Pacific
Lean sinn:



Sanasan