III. Ioane 1 - Iaai Bible 1901 (New Caledonia)

¹ INYA hingat oge me set kö Gaio a oûnykûmik, at oge me hnyok kâu hnyi hnathu.

² Oûnykûmik lö, oge me khöûâ me u me sot, me hwege unyâm helâ me ihwegien hanom.

³ Anyin oge senyin gan hmâ waleji ge ioiny hnyat me lakeiny me ohnathoâ hnathu gam, helâ me hnâm hna vheno hnathu.

⁴ E ba anyik senyin ae nua hon iny ka he ka long a ga vheno hnathu hnen lakuk.

⁵ Oûnykûmik lö, u me ânyâ huliwa ae hnathu hnyi hnâm hna ânyâ hia ka je hnyat me lakeiny, me ta je atkanyua minya:

⁶ a tavat adre me ohnatho hnyi hnyimakan ekalesia ânyâm ibetengiö: ke u me he ka ânyâ so, u ka he ka su ödra hoton hwakecin ae ûcû ka Khong hnyi hnödra hna he.

⁷ Anyin adre he can Ien, ke ba ûnyi adre me hom ge Aten ke je hnyei.

⁸ Anyin a wale e ûcû köta be ka kap soâ tavat helâe, mʼ ate me he ka tha huliwan hnathu.

⁹ Oge me set ka ekalesia: ke haba Dioterefe, at ame benua hudrin, me ame ca köp öhmun.

¹⁰ Anyin a wale, oge ne o, oge me he ka ûnykûme ta je ûnyi e ame ânyâ, ame bifuci öhmun ge ta ge hofuc ae kong: ke ca soju ta je ûnyi eling, ke e ame ca kap minya bi hnyat me lakeiny, ke e ame thawâ tavat adre me wedra he ka kap, me obʼ ödra ge ekalesia.

¹¹ Oûnykûmik lö, ca hnu hoton ûnyi ae kong, ke so bi ûnyi ae so. Ûnyi ge Khong at ame ânyâ so: haba at ame mâdrâ monu, me e ame ca wâ Khong.

¹² Haba Demetio, me adre me ohnathoâ hnen tavat hia, ke hnen minya hnathu bi: eke, öhmun minya öhmun e ohnatho; ke e khanö u a e hnathu hnö-hmun hna ohnatho.

¹³ E hu gak ta je ûnyi ae se hia he ka sihnalimen köu, ke ca wek he ka set köu ge köiö sisit me pen:

¹⁴ ke inya oge me gejon he ka ie iouny möu, ke otu me he ka ûhnenamö ûhnyimaköu. E so e unyâm ûsoköu. Je lahanöta ödrin e italofa möu. Inya oge me ve italofa ka je lahanöta.