Iakobo 5 - Iaai Bible 1901 (New Caledonia)

¹ E ÖBUN watren omjeû, tenge thö me kuku can ta je vec ame he ka o köbun.

² E amam but tang omjehebun, ke ame an je khauöbun hnen oûnyi.

³ A vi but anyibun gol me sileva, ke adre me he ka bi ohnathoâ köbun hnen viiny, kʼ ame he ka an vibun helâ me meic. Öbun e hia but ûkhöûnâ anyibun tang omjeû hnyi je bong a biliny.

⁴ Wâ bi, ame hongot goranyai hwaban ae ûcû ka tavat adre me huliwa waleji adre me meno ibun je hnyei, ke öbun e behânâ ge iyawâ: ke ame aat dö hnyi li hnyikonyen Than tuhan sabaoth hwahongot hwan tavat meno.

⁵ Öbun e hia but laba sot eang hmeledrany me ânyâ webun; öbun e hia but hat je hnyekubun hnyi bong ûhlingö.

⁶ Öbun e hia but hangâ, öbun e hia but hlingâ at ae wisa; ke e ame ca hagutʼ öbun.

⁷ Anyin a wale hnyat me lakeiny lö, hokhnyok ju ke ne o but ame o thö Than. Wâ bi, haba at belok ame halubahingen okoman hna belok ûnyi eû hnyi kânâ, me hokhnyok ke ne o but ame hu we a bân me we a biliny.

⁸ E so öbun e hok hnyok minya ju; ke otethmâ ju je hnyekubun: anyin ae hakekeny jut he ka o Than.

⁹ Hnyat me lakeiny lö, ca iulitköuâ ju, mʼ adre me ca he ka hângʼ öbun bi; wâ bi at ame owisa ame tot eû hnyi je hwanuma.

¹⁰ Hnyat me lakeiny lö, hom dö je perofeta hnân tulut köbun hnyi vec me hok hnyok, waleji tavat adre me ha hofuc hnyi ien Than.

¹¹ Wâ bi, ate me ûnykûme hnödra hnahic adre me hokhnyok: öbun e hia but löng ge hokhnyok anyi Jobu, ke öbun e hia but wâ hna bi obiny Than, a gʼ ame seōn Than, kʼ ame betenge gan hmâ.

¹² Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.

¹³ Hawa e hu at ame vec unyibun? e so e ame hic. E hu at ame senyin? e so e ame khumöng ogânâ Khong.

¹⁴ E hu at ae mok unyibun? e so e ame hawâ wahingatiny ekalesia me adre me he ka hic hobi kâu, me hû e ge wakaco hnyi ien Than:

¹⁵ ke haba hic hnyi labageju, me ame he bi ka omelö komok, kʼ ame he Than ka otilâ thö e; ke a ne hia but ânyâ ta je monu, me ame he ka thang ut gan.

¹⁶ Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.

¹⁷ At helâ mʼ öta Elia, ke e ame hic ûjöng me me ca he ka ta we; me ame ca ta we ka hnyi hon kânâ hnyi kun ta huna ke siks ta tehi.

¹⁸ Ke e ame hic hmetu, me ame ta but we ûnyi hnyi drany, me ame kû thö ta je jeû ûnyi hnyi kânâ.

¹⁹ Hnyat me lakeiny mönya lö, a ne monu ke at ûnyi hnyi hnathu, kʼ ame ohmetuhmetoâ e hnen ke at;

²⁰ me so e ame wâhmakhmeto, a haba at ame ohmetuhmetoâ at ae kong ûnyi hnyi anyin monu me e ame omelö hanon ûnyi hnyi mok, kʼ ame he ka tube ta je hulo ae se hia.