Iakobo 4 - Iaai Bible 1901 (New Caledonia)

¹ ÛNYI ua ta je vat, ke ûnyi ua ta je ûkûc unyibun? hawa, ca ûnyi ge ta je webun ae kong ame vat hnyi ta je ong outhunyibun?

² Öbun e weny ke ca hu bi: öbun e hlingö, me behnyekon, ke ca khanʼ öbun he ka hu: öbun e ûkûc me vat; e ca hu bi gabun anyin öbun e ca sumâtâ.

³ Öbun e sumâtâ ke ca hu bi anyin öbun e sumâtâ monoâ, möbun e he ka oumo ta je ûnyi e hnyi ta je webun ae kong.

⁴ Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

⁵ Hawa, öbun e ûnykûme a gʼ adre ha bâûâ hna sihnalimen? Hawa, ame weny me ihuhnyinköu hanu, a ame ip eû hnyi je hnyekuta?

⁶ Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

⁷ Anyin a wale löng ju öbun hoton Khong; ke hagutâ but diabolo, me e ame he ka kec ûnyi gabun.

⁸ Hakekeny dö ka Khong ke e ame he ka hakekeny köbun. Hinyem but öbun tavat hulo; ke obosoâ but je hnyekubun tavat lolo hnyok.

⁹ E so öbun e he ka vec, me tenge thungaû, me tenge: e so he ka wia anyibun hluma ka hnyi tenge thungaû, me anyibun senyin ka hnyi hnyok ae hmak.

¹⁰ Obnyikönʼ öbun ju hnyi hnyimakan Than, ke e ame he ka ogoranyi öbun.

¹¹ Hnyat me lakeiny lö, ca ûbaiöbunköu. Haba at ame hâiâ liamekeiny, me ûnykûme liamekeiny më, e ame hâiâ hnanyibu, me ûnykûme hnanyibu: ke u je ne ûnykûme hnanyibu mʼ u ca at bi ame löng hoton hnanyibu, ke at bi ame ûnykûme.

¹² Khaca thibi at ame ham hnanyibu, wale at ae khana he ka omelö me omoko; ke u ia at ame ûnykûme ke at?

¹³ E, öbun tavat öbun e ha, ka habe, Haba bong ang me nyi ate me he ka he ka hnyi taun eling, me laba eling hnyi khaca huna, he ka ûcû me heleû omjeû;

¹⁴ ke so bi e ca khanʼ öbun ûnyi ame he ka o nyi. Ieû anyibun möt. Ûbun hainy meic, ame manen hnyi ûen ae okhulit, me ame hia but.

¹⁵ Ke walang ûnyi ae so he ka ha, ka habe, A ne weny Than, ate me he ka möt; me ânyâ ûnyi eang, me ûnyi e.

¹⁶ Ke walang ang öbun e senyinâ anyibun je hobelöu: e monu hia ta je senyin helâe.

¹⁷ Anyin a wale, haba at ae khana he ka ânyâ so, kʼ ame ca ânyâ bi, wale hulo bi kâu.