Iakobo 3 - Iaai Bible 1901 (New Caledonia)

¹ HNYAT me lakeiny mönya lö, ca he ka se hia tavat ûne gabun, anyin ae khanʼ öta a gʼ ate me he ka hu hnaûhango ae gan.

² Anyin ate thö hia thö hnyi ta je ûnyi ae se hia. A ne ca thö at hnyi hofuc, awe, e wisa at e, ke e khana he ka tha hom ûhnyûkongo unyin.

³ Wâ bi, ate me ip fao hnyi hnyimen ta je hors, mʼ adre me he ka löng hotuta, me ate me tha wia hia je unyidra.

⁴ Wâ bi minya ta je hu, eja ke ne a ne gan dut, ke ame oû ang ge ang ae hwege, adre wia but hnen wi ae ûhnyûkong helâ me weny tuhan hu.

⁵ Ke helâe minya bohmen ûnyi ne ûhnyûkong hmonyin, ke e ame hobeluâ ta je ûnyi ae gan. Wâ bi ûganiny hnyot ame hiâ ge wahleûhleûiny meic ae ûhnyûkong!

⁶ Meic bohmen: haba bohmen me at ae nua ka ânyâ hulo unyin je outhunyita, kʼ ame okongoâ unyin hia, me thong hia möt ang, ke haba meiciny gena, me ame thong bi e.

⁷ Anyin adre me ohnamâ ta je meno ae ve bongon me ta je meno ame gâ, me ta je ûnyi ame iyâû, me ta je ûnyi ae möt eû hnyin köiö, adre hia but ohnamâ ta je ûnyi e ge metâ anyin at:

⁸ ke ca khana bi ke at he ka ohnamâ bohmen; haba monu e, me ame ca menâ, ke unöngötö ge ûnyi hnân mekiny.

⁹ Ate me haisoâ Khong a Kamen hnen e; ke hnen e minya ate me hangâ at, wale adre me op e me we Khong:

¹⁰ kʼ ame didrut ûnyi hnyi hnyimen a khaca hna haisoâ, me hnaûhango. Hnyat me lakeiny mönya lö, e ca ûcû he ka ânyâ ta je ûnyi helâe.

¹¹ Hawa, ame pupua köiö hnam, me köihiny ûnyi hnyi hna pupua a khaca?

¹² Hnyat me lakeiny mönya lö, hawa, e khana imeta he ka wa wan elaio, me vine he ka wa wan imeta? ke helâe ame ca o köiö hnam me köihiny ûnyi hnyi hna pupua a khaca.

¹³ Ewa at unyibun ae metâ kʼ ame wâ ûnykûme? e so e ame he ka omanenâ anyin ta je huliwa ge hwakecin bi ae so, me hwakecin ae menyik me metâ.

¹⁴ Ke a ne hu gabun eû hnyi je hnyekubun ihuhnyi-nköu ae hiny me imouköu, me ca he bi ka hobelöu, ke ca thoi bi ka hofuc ae hnathu.

¹⁵ Haba metâ eang me ame ca o ûnyi ethö, ke hwen hmeledrany, me unyin, me demoni.

¹⁶ Anyin a haba dok ae hu ihuhnyinköu me imouköu, wale dok ae hu hnyin imonumonuny me ta je huliwa hia thithö ae kong.

¹⁷ Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

¹⁸ Ke haba wan hwakecin ae wisa, me adre me tä hnyi ûsoköu hnen tavat adre me okûâ ûsoköu.