Hosea 9 - Iaai Bible 1901 (New Caledonia)

¹ ISARAELA lö, ca senyin bi me hobâ helâ me je hnyei; anyin a u je hia but bi ûnyi monu me degec Khongom, u je hok at ge hwaban hnyi je hna huje hwit hia.

² Adre me ca he bi ka ha Ö ʼdra ge hna huje hwit, me hna hlic wan vine, ame he ka hia gan waina ae teb ûnyi.

³ Adre me ca he ka labâ hnyei i Iehova; he ame he Eferaima ka hmetu Aigupito ai, me an je meno ae ikiki hnyi Asuria.

⁴ Adre me ca he ka hingâlâ waina kö Iehova, ke e ame ca he ka senyin kodra: haba anyidra je hut e ûcû me han anyin tavat adre me hnyamok ködrin; adre me he hia ka kong tavat adre me an e: anyin a haba ö ʼdra jeû me hnân behan bi, ke ame ca he ka o ka hnyi uma umo Iehova.

⁵ Ieû öbun e he ka ânyâ hnyi bonginy ûkhacaköu ae ûnyi hnathu, me hnyi bonginy bijeû anyi Iehova?

⁶ Anyin a wâ bi adre me he me degec hna ûhangö, ke so ame he Aigupito ka ûkhacaköu ödra, kʼ ame he Nofi ka konim ödra: haba hnen anyidra je sileva ae hmanenang, me ame he ka watetaföcö: kʼ ame he ka hnen iwadekong hnyi umödra je uma mano.

⁷ A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

⁸ Ke haba Eferaima, me at hmâkâ ehac unyin Khonguk: ke haba perofeta hnyi deny je gethen hia ae hu hnewe anyin at ame töu hnewe, kʼ adre me ivino bi hnyi uma umen Khongon.

⁹ Adre me ka oikiki ödra, helâji me hnyi je bong bongu Gibea: ke e ame he ka ûnykûme hwakecidra ae kong, me bi hwabananyidra je hulo.

¹⁰ Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

¹¹ Ke haba at Eferaima, me ame he ka gâ thö anyidra hmanenang helâ me meno ame gâ: kʼ adre me ca he bi ka hnokoâ, ke erkin, ke oerkinâ.

¹² Eja ke ne adre ne hat je lakudra, me oge me he bi nya ka ohiʼ ödra unyin tavat, me me ba hmetu at a kolon: eke, ekölö gadra bi, iny ka he ka digic ödra!

¹³ Adre me tä Eferaima hnyi hnyei ae so, helâ me hnok hna wâ Turo: ke so bi ame he Eferaima ka hom je lakon kaatûhlingö.

¹⁴ Iehova lö, ham kodra; ieû u me he ka ham? ham kodra hnyok ame köluhabû, me li bai ae ba dân.

¹⁵ E hnyi Gilegala hwakecidra ae kong; anyin oge me hûkötiʼ ödra eling: ke oge me he ka obʼ ödrâ ûnyi hnyi umök uma, can anyidra ta je huliwa ae kong: oge me ca he hmetu bi ka betenge gadra; tavat ûkhin fuc je latuhödra hia.

¹⁶ Adre me kot at Eferaima, ke meleca thö iwân gadra kʼ adre me ca he ka wa: eke, eja ke ne adre ne hnokoâ, me oge me he bi nya ka hlingâ lakudra adre me betenge gan.

¹⁷ Ame he bi Khonguk ka hota degeci ödra, anyin adre me ca long kâu: me adre me he ka he baû hnyi wanben ta je hnyei.