Hosea 8 - Iaai Bible 1901 (New Caledonia)

¹ IP ju trutru hnyi hnyimâm. E ame he ûcon lap anyi Iehova helâ me aeto: anyin adre hia but hanyâûâ anyik ûhihiny-köu, me khikhin ge anyik hnanyibu.

² Ke adra me he ka tenge könya, ka habe, Khonguk lö, ohmun hnyat Isaraela ke khanö u ohmun.

³ A hia but Isaraela degec so: me ame he ka hnu e hnen iwahnaihmiony.

⁴ Adre hia but otilâ je than, ke ca ûnyi bi gak; adre hia but bi taben, ke ca khanö nya: adre hia but ânyâ anyidra sileva me gol hnân anyidra je idola, mʼ adre me ka subâ degeci ödra bi.

⁵ Samaria lö, e ame hia but hota degecâ nokon kau unyâm; kʼ ame ubâhlâ thö anyik hmonyin kodra: ke ne o but kehö adre me ca he ka vheno hwakecin ae so?

⁶ Anyin a ûnyi ga Isaraela e; kʼ ame ânyâ e hnen at huliwa, ke ca Khong bi e: eke, adre me he ka kot omomono nokon kau anyin Samaria.

⁷ Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.

⁸ Adre hia but utâ Isaraela: ödra bi walang ang unyin je hnyei helâ me kaia a ca hnân senyinâ.

⁹ Anyin adre me he Asuria ai, helâ me asinainy hnyot ame hake he: Eferaima ame hia but hok laweny ge hwaban.

¹⁰ Eke, eja ke ne adre ne hok ge hwaban unyin je hnyei, oge me he walang ang ka ûkhacaköu ödra; ke ödrin e hwân he ka ûhnyûkong tot can hok ge thaniny je taben.

¹¹ Haba Eferaima ame hia but osehia je taben hut he ka ânyâ monu, anyin a wale e hu hulo gan can je taben hut.

¹² Oge ne sihnalimen kâu anyik hnanyibu me je ûnyi hnân nâ a ten thauzan, me adre me ûnykûme e me ûnyi a ca ûnyi hnathu.

¹³ Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

¹⁴ Ke a hia but Isaraela hnying At a op e, me op je uma umen je khong; ke Juda ame hia but osehia je taun adre up haginy; ke so bi oge me he ka kunâ meic ka hnyi anyin je taun, me me an je uma umen than.