Hosea 3 - Iaai Bible 1901 (New Caledonia)1 KE Iehova ame ha könya, ka habe, He hmetu thö ka betenge ge momo at ame betenge gan waeny ke momo ame venöu, helâ me betenge anyi Iehova ka lakon Isaraela, tavat adre me hnyimakan ka je khong, ke wedra je hmata a wan vine. 2 Ke oge me ûco e hwaban je ong sileva a fiftin, ke khaca homer bali, ke haf homer bali: 3 me haingök ka momo, ka habe, U me he ka laba halubahing nya hnyi ta je bong ae se hia; u ma ca he ka bi ûnyi monu, ke u me ca he ka âiân ke baga bi: me oge me he bi nya ka helâe köu. 4 Anyin ame he lakon Isaraela ka laba thibi hnyi se hia je bong ke ba than, ke ba taben, ke ba at bihut, ke ba veto ame tot, ke iefoda ke hnatheat: 5 me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny. |
maintained by the British and Foreign Bible Society
Bible Society of the South Pacific